ବ୍ରହ୍ମପୁର: ଗଞ୍ଜାମରେ କୋରୋନା ମୁକାବିଲା ପାଇଁ ପହଞ୍ଚିଲା ସ୍ୱାସ୍ଥ ବିଭାଗର ସ୍ୱତନ୍ତ୍ର ଟିମ୍ । ରାଜ୍ୟର ଗଞ୍ଜାମ ଜିଲ୍ଲାରେ ବହୁ ସୁରଟ ଫେରନ୍ତା ପ୍ରବାସୀ ଓଡିଆ କୋରୋନା ପଜିଟିଭ ବାହାରିବା ପରେ ସରକାରଙ୍କ ଚିନ୍ତା ବଢିଯାଇଛି । ଦିନକୁ ଦିନ କୋରୋନା ଆକ୍ରାନ୍ତଙ୍କ ସଂଖ୍ୟା ବହୁ ପରିମାଣରେ ବୃଦ୍ଧି ପାଇବାରେ ଲାଗିଛି । ତେବେ ଜିଲ୍ଲାରେ ଏହି ସ୍ଥିତିକୁ ଅନୁଧ୍ୟାନ କରିବା ସହ କିଭଳି ଏହାର ମୁକାବିଲା କରାଯିବ ସେ ନେଇ ରାଜ୍ୟ ସରକାରଙ୍କ ନିର୍ଦ୍ଦେଶରେ WHOର ଆଠ ଜଣିଆ ଏକ ସ୍ୱତନ୍ତ୍ର ଟିମ୍ ଗଞ୍ଜାମକୁ ଗ୍ରସ୍ତ କରିଛନ୍ତି ।
ଏହି ସ୍ୱତନ୍ତ୍ର ଟିମ୍ ଛତ୍ରପୁର ଠାରେ ଜିଲ୍ଲାପାଳଙ୍କ ସହିତ ଆଲୋଚନା କରିବା ପରେ ଜିଲ୍ଲାର ବିଭିନ୍ନ ଅଞ୍ଚଳକୁ ଗ୍ରସ୍ତ କରିବେ । ପରେ ସେଠାକାର ସ୍ଥିତିକୁ ଅନୁଧ୍ୟାନ କରିବା ସହ କଣ ପଦକ୍ଷେପ ନିଆଯିବ ସେ ନେଇ ଜିଲ୍ଲା ସ୍ୱାସ୍ଥ ବିଭାଗ ସହିତ ଆଲୋଚନା କରିବେ ଏହି ସ୍ୱତନ୍ତ୍ର ଟିମ୍ । ଏହି ସ୍ୱତନ୍ତ୍ର ଟିମ୍ ଦ୍ବାରା କୋରୋନା ମୁକାବିଲା କ୍ଷେତ୍ରରେ ଅନେକ ସହାୟତା ମିଳିପାରିବ ବୋଲି କହିଛନ୍ତି ଗଞ୍ଜାମ ଜିଲ୍ଲାପାଳ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
