ଗଞ୍ଜାମ: ଧରାକୋଟ ଥାନା କୁଶରାବ ଗ୍ରାମରେ ଅଘଟଣ । ଆଜି ଭୋରୁ ଗ୍ରାମ ନିକଟ କେଞ୍ଚୁଆ ନାଳରେ ଭାସି ଯାଇ ଜଣେ ନାବାଳକର ମୃତ୍ୟୁ ଘଟିଛି । ମୃତ ନାବାଳକ ସେହି ଗ୍ରାମର ବୁଦ୍ଧିରାମ ଗୌଡଙ୍କ 14 ବର୍ଷର ପୁଅ ଜିତେନ୍ଦ୍ର ଗୌଡ ।
ସୂଚନାନୁସାରେ, ଜିତେନ୍ଦ୍ର ସକାଳ ବ୍ୟାୟାମ କରିବାକୁ ଯାଇ ନାଳ ଉପରେ ଥିବା କଲଭର୍ଟ ଉପରୁ ଖସି ଯାଇଥିଲେ । ପାଣିର ସ୍ରୋତ ପ୍ରଖର ଥିବାରୁ ସେ ଭାସିଯାଇଥିଲା । ତେବେ ନାଳର କିଛି ଦୂରରେ ମାଛ ଧରିବାକୁ ଜାଲ ବିଛାଯାଇଥିଲା । ଯେଉଁଥିରେ ଜିତେନ୍ଦ୍ର ଲାଗିଥିଲେ । କିନ୍ତୁ ସେତେବେଳକୁ ତାର ମୃତ୍ୟୁ ହୋଇସାରିଥିଲା ।