ଭଞ୍ଜନଗର: ଗୁଜୁରାଟର ସୁରଟରୁ ଆସିଥିବା ପ୍ରବାସୀ ଓଡିଆମାନେ ବୁଧବାର ମଧ୍ୟରାତ୍ରିରେ ଗଞ୍ଜାମରେ ପହଞ୍ଚିଛନ୍ତି । ଚାରୋଟି ବସରେ ଆସିଥିବା ପ୍ରବାସୀ ଓଡିଆମାନେ ରାତି 11.40 ମିନଟ ଭଞ୍ଜନଗରରେ ପହଞ୍ଚିଥିଲେ । ସେଠାରୁ ସେମାନଙ୍କୁ ଧରାକୋଟ ଓ ଶେରଗଡ଼ କ୍ଵାରେଣ୍ଟାଇନ ସେଣ୍ଟରକୁ ନିଆଯାଇଛି । ସେଠାରେ ସେମାନଙ୍କ ରହିବା ପାଇଁ ପ୍ରଶାସନ ପକ୍ଷରୁ ସ୍ବତନ୍ତ୍ର ବ୍ୟବସ୍ଥା କରାଯାଇଛି ।
ଗଞ୍ଜାମରେ ପହଞ୍ଚିଲେ 217 ପ୍ରବାସୀ ଓଡିଆ
ଗୁଜୁରାଟର ସୁରଟରୁ 217 ଜଣ ପ୍ରବାସୀ ଓଡିଆ ଚାରୋଟି ବସରେ ଗଞ୍ଜାମକୁ ଫେରିଛନ୍ତି । ସେମାନଙ୍କ ଆସିବା ପୂର୍ବରୁ ପୋଲିସ ଓ ଜିଲ୍ଲା ପ୍ରଶାସନ ପକ୍ଷରୁ ବିଶେଷ ବ୍ୟବସ୍ଥା କରାଯାଇଥିଲା । ଗଞ୍ଜାମ ସୀମାର ଦୁର୍ଗାପ୍ରସାଦଠାରୁ ପୋଲିସ ଦ୍ବାରା ସୁରକ୍ଷା ମଧ୍ୟରେ ବସ ଗୁଡିକୁ ଧରାକୋଟ ଓ ଶେରଗଡ଼ କ୍ଵାରେଣ୍ଟାଇନ ସେଣ୍ଟରକୁ ନିଆଯାଇଥିଲା । ଫେରିଥିବା ପ୍ରବାସୀ ଓଡିଆମାନେ ଭଞ୍ଜନଗର ଧରାକୋଟ ଅଞ୍ଚଳର ବୋଲି ଜଣାପଡିଛି । ଗୁରୁବାର ସେମାନଙ୍କର ସ୍ବାସ୍ଥ୍ୟ ପରୀକ୍ଷା ପରେ 14 ଦିନିଆ କ୍ଵାରେଣ୍ଟାଇନରେ ରଖାଯିବ ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
