ଭଞ୍ଜନଗର: ଭଞ୍ଜନଗର ପୋଲିସକୁ ସଫଳତା । ଗତ ୨୯ ତାରିଖରେ ଗୁରାବାଡ଼ି ଗ୍ରାମରେ ଘଟିଥିବା ଏକ ଚୋରି ଘଟଣାରେ ଗତକାଲି(ମଙ୍ଗଳବାର) ଦୁଇଜଣକୁ ଗିରଫ କରିଛି ଭଞ୍ଜନଗର ପୋଲିସ । ଖବର ଅନୁଯାୟୀ, ଗଞ୍ଜାମ ଜିଲ୍ଲା ଭଞ୍ଜନଗର ଥାନା ଅନ୍ତର୍ଗତ ଗୁରାବାଡ଼ି ଗ୍ରାମରେ ଗତ ୨୯ତାରିଖରେ ଏକ ବଡ ଧରଣର ଚେରି ହୋଇଥିଲା । ଏନେଇ ଭଞ୍ଜନଗର ଥାନାରେ କେଶ ନଂ ୨୫୬/୨୨ ଧାରା ୪୫୭/୩୮୦ରେ ମାମଲା ରୁଜୁ ହୋଇଥିବା ବେଳେ ମଙ୍ଗଳବାର ଦୁଇଜଣକୁ ଗିରଫ କରିବାରେ ସଫଳ ହୋଇଛି ପୋଲିସ ।
ଗିରଫ ହୋଇଥିବା ଅଭିଯୁକ୍ତମାନେ ହେଲେ ସାନ ସାଦାରା ଗ୍ରାମର ଶିବରମ ଗୌଡ଼(୨୨) ଓ ଚିତ୍ତରନ ସ୍ୱାଇଁ(୪୫) । ସେମାନଙ୍କ ଠାରୁ ମୋଟ ୩୨,୨୭୦ଟଙ୍କା, ଗୋଟିଏ ଖେଳନା ପିସ୍ତଲ, ୨ଟି ମୋବାଇଲ ଫୋନ, ଗୋଟିଏ ବାଇକ ଓ କିଛି ତାଲା ଭାଙ୍ଗିବା ଉପକରଣ ଜବତ କରିଛି ପୋଲିସ । ତେବେ ପୂର୍ବରୁ ସେମାନଙ୍କ ନାମରେ ବହୁ ଅପରାଧିକ ମାମଲା ଥିବାନେଇ ଥାନା ଅଧିକାରୀ ଧିରେସ କୁମାର ଦାସ ସୂଚନା ଦେଇଛନ୍ତି ।
ଇଟିଭି ଭାରତ, ଭଞ୍ଜନଗର
