ଗଜପତି : ବାଘ ଛାଲ ଡିଲ ବେଳେ ମାଡିବସିଲା ବନବିଭାଗ । ଚଢ଼ାଉ ବେଳେ ଏକ କଲରାପତରିଆ ବାଘ ଛାଲ ଜବତ କରିବା ସହ ଜଣକୁ ଗିରଫ କରି ପଚରା ଉଚରା କରୁଛି ବନ ବିଭାଗ । ଗିରଫ ଅଭିଯୁକ୍ତ ଜଣଜ ହେଲେ ଗଜପତି ଜିଲ୍ଲା ଆର. ଉଦୟଗିରି ଥାନା ଖମାରିସାହି ଗାଁର ପବିତ୍ର ଲିମା ।
ବାଘଛାଲ ଡିଲ ବେଳେ ମାଡିବସିଲା ବନବିଭାଗ
ମିଳିଥିବା ସୂଚନା ପ୍ରକାରେ ଆଜି(ବୁଧବାର) ଅପରାହ୍ନରେ ଆର. ଉଦୟଗିରି ଥାନା କୁଅଁlପଡା ଓ ପୁଇପାଣି ରାସ୍ତା ନିକଟରେ ବାଘ ଛାଲ ଡିଲ ଚାଲିଥିବା ନେଇ ସୂଚନା ପାଇଥିଲା ବନ ବିଭାଗ । ପରେ ଏସଟିଏଫ ସହ ବନ ବିଭାଗ ମିଳିତ ଚଢ଼ାଉ କରିଥିଲେ । ଗତ କିଛିଦିନ ହେବ ଗଞ୍ଜାମ ଓ ଗଜପତି ସୀମାନ୍ତ ଅଞ୍ଚଳରେ ଗୋଟିଏ ଗ୍ୟାଙ୍ଗ ବାଘ ଛାଲ ବେପାର ହେଉଥିବାର ଖବର ପାଇଥିଲା ବନ ବିଭାଗ । ପରେ ବନ ବିଭାଗ ଜଣକୁ ଗିରଫ କରି ଥିବାବେଳେ ଗ୍ୟାଙ୍ଗର ଅନ୍ୟମାନଙ୍କୁ ଧରିବା ପାଇ ତଦନ୍ତ ଜାରି ରହିଛି ବୋଲି କହିଛନ୍ତି ଗଜପତି ପାରଳାଖେମୁଣ୍ଡି ଡିଏଫଓ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
