ଗଜପତି: କରୋନା ମୁକାବିଲାରେ ଗଜପତି ଜିଲ୍ଲା ସୀମାର ସ୍ଥିତି ଅନୁଧ୍ୟାନ କଲେ ଦକ୍ଷିଣାଞ୍ଚଳ ଡିଆଇଜି ସତ୍ୟବ୍ରତ ଭୋଇ । ଆଜି ଜିଲ୍ଲା ଗସ୍ତରେ ଆସି ସେ ଜିଲ୍ଲାର ସମସ୍ତ ପ୍ରବେଶ ପଥ, ବିଶେଷ କରି ଆନ୍ତଃରାଜ୍ୟ ସୀମାରେ ଅନୁପ୍ରବେଶକାରୀଙ୍କୁ ରୋକିବା ପାଇଁ ନିଆଯାଇଥିବା ପଦକ୍ଷେପ ଉପରେ ଅନୁଧ୍ୟାନ କରିଥିଲେ । ଏହାପରେ ଜିଲ୍ଲାପାଳ ଅନୁପମ ଶାହା ଏବଂ ଏସପି ସାରା ଶର୍ମାଙ୍କ ସହ ବିଭିନ୍ନ ବିଷୟରେ ଆଲୋଚନା କରିଥିଲେ ।
ଗଜପତି ଜିଲ୍ଲା ସୀମା ଅନୁଧ୍ୟାନ କଲେ ଦକ୍ଷିଣାଞ୍ଚଳ ଡିଆଇଜି
ସେ ଜିଲ୍ଲାର ବିଭିନ୍ନ ପ୍ରବେଶ ପଥରେ ଥିବା ଚେକପୋଷ୍ଟ ଯାଞ୍ଚ କରିଥିଲେ । ଜିଲ୍ଲା ଏବଂ ପୋଲିସ ପ୍ରଶାସନ ପକ୍ଷରୁ କରୋନା ମୁକାବିଲା ପାଇଁ ନିଆଯାଇଥିବା ପଦକ୍ଷେପ ସନ୍ତେଷଜନକ ବୋଲି ସେ କହିଛନ୍ତି। ଅନ୍ୟପଟେ ଲୋକେ କୌଣସି ଗୁଜବକୁ ବିଶ୍ବାସ ନକରି କେବଳ ପ୍ରଶାସନର ଘୋଷଣାକୁ ହି ଗୁରୁତ୍ବ ଦେବା ଆବଶ୍ୟକ ବୋଲି କହିଥିବା ବେଳେ ଲକଡାଉନ ସମସୟରେ ସରକାରୀ ନିୟମକୁ ପାଳନ କରି ସତର୍କ ରହିବାକୁ କହିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
