ଗଜପତି: ଆଉ କିଛି ଦିନ ପରେ ବିଘ୍ନରାଜ ଗଣେଷଙ୍କ ପୁଜା ଆରମ୍ଭ ହେବ । ଏହାକୁ ନେଇ ଚଳଚଞ୍ଚଳ ଚର୍ତୁପାର୍ଶ୍ବ । କିନ୍ତୁ ପାରମ୍ପାରିକ ବୃତ୍ତି କରୁଥିବା ପାରଳାଖେମୁଣ୍ଡିର ମାଟି ମୂର୍ତ୍ତି କାରିଗର ଏବେ କୌଳିକ ବୃତ୍ତି ଛାଡିବା ଉପରେ । ଆଉ ଏହାର କାରଣ ବଜାରରେ ବିକ୍ରି ହେଉଥିବା ପ୍ଳାଷ୍ଟର ଅଫ ପ୍ୟାରିସ ମୂର୍ତ୍ତି ।
ଅଳ୍ପ ଖର୍ଚ୍ଚରେ ଶସ୍ତା ସୁନ୍ଦର ସାଙ୍ଗକୁ ଆକର୍ଷଣୀୟ ରୂପରେ ବଜାରରେ ପ୍ଲାଷ୍ଟର ଅଫ ପ୍ୟାରିସର ଗଣେଷ ମୂର୍ତ୍ତି ମିଳିଯାଉଛି । ଏଥିପାଇଁ ସହରର ବିଭିନ୍ନ ସ୍ଥାନରେ ବିଘ୍ନରାଜଙ୍କର ଦୋକାନ ଖୋଲି ବସିଛନ୍ତି ବେପାରୀ । ଚାହିଦା ଅଧିକ ରହୁଥିବାରୁ ଲାଭ ବି ଅଧିକ ହେଉଛି । ଏପଟେ କିନ୍ତୁ ମାଟି ମୂର୍ତ୍ତି କରୁଥିବା କାରଗରଙ୍କ ହାତ ଖାଲି । ଫଳରେ ଗୁଜୁରାଣ ମେଣ୍ଟାଇବାକୁ କିଏ ଅନ୍ୟ ବ୍ୟବସାୟ କରୁଛି ତ ପୁଣି କିଏ ଦାଦନ ଖଟିବାକୁ ବାଧ୍ୟ ହେଉଛି ।
ପାର୍ବଣର ରୁତୁ ଆସିଲେ କାରିଗରଙ୍କ ପୂରା ପରିବାର 2ମାସ ଧରି ଲାଗିପଡନ୍ତି ମୁଣ୍ମୟ ମୂର୍ତ୍ତି ତିଆରିରେ । ଏଥିରୁ ଉପାର୍ଜିତ ଧନ ବର୍ଷକର ଖର୍ଚ୍ଚ ତୁଲାଉଥିଲେ । ହେଲେ ବର୍ତ୍ତମାନ ପରିସ୍ଥିତି ଏଭଳି ହେଇଛି ଯେ, ଗ୍ରାହକ ପୂର୍ବରୁ ଅଗ୍ରୀମ ଟଙ୍କା ନହେଲେ ମୂର୍ତ୍ତି ତିଆରି କରିବାକୁ ଡରୁଛନ୍ତି କାରିଗର । ପୂର୍ବରୁ ପାରଳାଖେମୁଣ୍ଡିରେ 30ଗୋଟି ପରିବାର ମୂର୍ତ୍ତି ନିର୍ମାଣ କରି ଗୁଜରାଣ ମେଣ୍ଟାନ୍ତି । ହେଲେ ଏବେ ସମସ୍ୟା ଭିତରେ ଛନ୍ଦିହୋଇ ମାତ୍ର 5ରୁ 10 ଟି ପରିବାର ଏହି ବୃତ୍ତିକୁ ଜୀବିକା କରିଛନ୍ତି ।
