ଗଜପତି: ବାସ ଚନ୍ଦନ ଚୋରା ଚାଲାଣ କରୁଥିବା ବେଳେ ଗିରଫ କଲା ବନ ବିଭାଗ । ଗିରଫ ବ୍ୟକ୍ତି ନିକଟରୁ 80 କିଲୋ ଚନ୍ଦନ କାଠ ଜବତ ହୋଇଛି ।
80 କିଲୋ ଚନ୍ଦନ କାଠ ଜବତ: ଜଣେ ଗିରଫ
ତେବେ ଗିରଫ ଯୁବକର ନାଁ ଆଝାରୁଦ୍ଦିନ ଖାନ୍ । ଖୋର୍ଦ୍ଧା ଅଞ୍ଚଳରେ ତାର ଘର ହୋଇଥିବାବେଳେ ବାସ ଚନ୍ଦନ ଚୋରି କରି ଆଝାରୁଦ୍ଦିନ ଟ୍ରେନ ଯୋଗେ ଫେରୁଥିଲା । ଏହାର ଖବର ପାଇ ବନ ବିଭାଗ ପାରଳାଖେମୁଣ୍ଡି ରେଳ ଷ୍ଟେସନରେ ବିଭିନ୍ନ ବଗିରେ ଯାଞ୍ଚ କରି ଏହା ଜବତ କରିଥିଲା ।
ତେବେ ଜବତ ଚନ୍ଦନ କାଠର ଆନୂମାନିକ ମୂଲ୍ୟ 21ଲକ୍ଷ ହେବା ନେଇ ପାରଳାଖେମୁଣ୍ଡି ଏସିଏଫଓ କହିଛନ୍ତି । ପଚରାଉଚୁରା କରିବା ସମୟରେଏହାକୁ ସେ ପୁରୀ ନେଉଥିବା କହିଥିଲା । ତାକୁ ବନ ବିଭାଗ ଗିରଫ କରିବା ସହ କୋର୍ଟ ଚାଲାଣ କରିଥିବା ଏସିଏଫଓ କହିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
