ଗଜପତି: ଲକଡାଉନ ସମୟରେ ଯେପରି କୌଣସି ଲୋକ ଭୋକିଲା ନ ରୁହନ୍ତି, ତାହାକୁ ଆଖି ଆଗରେ ରଖି ପ୍ରତ୍ୟେକ ସହରାଞ୍ଚଳ ଏବଂ ପଞ୍ଚାୟତରେ ଅସହାୟ ଲୋକଙ୍କୁ ମାଗଣା ରନ୍ଧା ଖାଦ୍ୟ ଯୋଗାଇ ଦେବା ପାଇଁ ରାଜ୍ୟ ସରକାର ନିର୍ଦ୍ଦେଶ ଜାରି କରିଛନ୍ତି । ଏହି ଆଧାରରେ ପାରଳାଖେମୁଣ୍ଡି ପୌର ପରିଷଦ ପକ୍ଷରୁ ସହରର ବିଭିନ୍ନ ସାହି ବସ୍ତିରେ ରହୁଥିବା ଅସହାୟଙ୍କୁ ରନ୍ଧା ଖାଦ୍ୟ ଯୋଗାଇ ଦିଆଯାଉଛି ।
ପ୍ରତ୍ୟେକ ସାହି ଏବଂ ଗଳିରେ ଅସହାୟଙ୍କୁ ମାଗଣା ରନ୍ଧା ଖାଦ୍ୟ ଯୋଗାଉଛି । ନିର୍ବାହୀ ଅଧିକାରୀଙ୍କ ପ୍ରତ୍ୟେକ ତତ୍ତ୍ୱାବଧାନରେ ସହରର ପ୍ରାୟ 1000 ଲୋକଙ୍କୁ ଦୁଇ ଓଳି ଏହା ପ୍ରଦାନ କରାଯାଉଛି । ସ୍ଥାନୀୟ ରୋଟାରୀ ହଲଠାରେ ଖାଦ୍ୟ ପ୍ରସ୍ତୁତି କରାଯିବା ପରେ ଅଧିକାରୀମାନେ ଏହାର ମାନ ଯାଞ୍ଚ କରୁଛନ୍ତି । ଏହା ପରେ ରନ୍ଧା ହୋଇଥିବା ଭାତ, ଡାଲି ଏବଂ ଦୁଇ ପ୍ରକାର ତରକାରୀକୁ ପ୍ୟାକିଂ କରାଯାଇ ବଣ୍ଟନ କରାଯାଉଛି । ସରକାରଙ୍କ ନିର୍ଦ୍ଦେଶ ପ୍ରକାରେ ଜିଲ୍ଲା ପ୍ରଶାସନର ପ୍ରତ୍ୟେକ ତତ୍ବଧନରେ ରନ୍ଦା ଖାଦ୍ୟ ଯୋଗାଇ ଦିଆଯାଉଛି । ଲକଡାଉନ ହଟିବା ଯାଏଁ ଏହା ଜାରି ରହିବ ବୋଲି ନିର୍ବାହୀ ଅଧିକାରୀ କହିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
