ଗଜପତି: କୋଟିଏ ୭୬ ଲକ୍ଷ ଟଙ୍କାର ଗଞ୍ଜେଇ ଜବତ । ଗଜପତି ଜିଲ୍ଲା ମୋହନା ଥାନା ପୋଲିସ କମଳାପୁର ଛକରେ ପାଟ୍ରୋଲିଂ ବେଳେ ଏକ କଣ୍ଟେନରରୁ ୧୪ କୁଇଣ୍ଟାଲ ଗଞ୍ଜେଇ ଜବତ ହୋଇଛି।
ଏହାସହ ଚାଲାଣରେ ସମ୍ପୃକ୍ତ ଗାଡି ଚାଳକକୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତ ଜଣକ ହେଲେ, ଉତ୍ତରପ୍ରଦେଶର ସୁନିଲ କୁମାର।
କୋଟିଏ ୭୬ ଲକ୍ଷର ଗଞ୍ଜେଇ ଜବତ, ମାଫିଆ ଗିରଫ
କୋରାପୁଟରୁ କଣ୍ଟେନରରେ ୫୩ ବସ୍ତା ଗଞ୍ଜେଇ ନେଇ ଦିଲ୍ଲୀ ଅଭିମୁଖେ ଚାଲାଣ କରିଥିବା ବେଳେ ପୋଲିସ ସନ୍ଦେହରେ କଣ୍ଟେନର ଟ୍ରକକୁ ଯାଞ୍ଚ କରିଥିଲା । ଯାଞ୍ଚ ବେଳେ ପୋଲିସ ଏତେ ପରିମାଣର ଗଞ୍ଜେଇ ଜବତ କରିଛି। ଯାହାର ଆନୁମାନିକ ମୂଲ୍ୟ ୧ କୋଟି ୭୬ ଲକ୍ଷ ଟଙ୍କା ହେବ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
