ଗଜପତି: ପିପିଇ କିଟ ପିନ୍ଧି ଜଣେ ମାନସିକ ବିକୃତ ମହିଳାଙ୍କ ଉନ୍ମତ କାଣ୍ଡ । ଗଜପତି ଜିଲ୍ଲା ମୋହନା ଥାନା ଲୁହାଗୁଡି ଛକରେ ଦୀର୍ଘ ସମୟ ଧରି ଜଣେ ମାନସିକ ବିକୃତ ମହିଳା ପିପିଇ କିଟ ପିନ୍ଧି ଉନ୍ମତକାଣ୍ଡ ଚଲେଇଥିଲା ।
ରାସ୍ତା କଡରେ ଫିଙ୍ଗା ହୋଇଥିବା ବ୍ୟବହୃତ ଏଜ ପିପିଇ କିଟକୁ ଏହି ମାନସିକ ବିକାରଗ୍ରସ୍ତ ମହିଳା ଜଣକ ପିନ୍ଧି ରାସ୍ତାରେ ଯାଉଥିବା ଲୋକଙ୍କୁ ଧରି ପକାଉଥିବା ବେଳେ ଲୋକଙ୍କ ଘରେ ମଧ୍ୟ ପଶି ଯାଉଥିଲା । ସଂକ୍ରମଣ ଭୟ ରହିଥିବାରୁ ତୁରନ୍ତ ତାକୁ କାବୁ କରିବାକୁ ସ୍ଥାନୀୟ ଲୋକ ଦାବି କରିଥିଲେ । ଫଳରେ ଖବର ପାଇ ଅତିରିକ୍ତ ତହସିଲଦାର ଓ ମେଡିକାଲ ଟିମ ପହଞ୍ଚି ମହିଳାଙ୍କୁ କାବୁ କରି ତାଙ୍କୁ ପିପିଇ କିଟ କାଢି ନୂଆ ଲୁଗା ପିନ୍ଧାଇଥିଲେ ।
ଲୁହାଗୁଡି ଛକ ନିକଟରେ ମଧ୍ୟ ଆଉ ଏକ ପିପିଇ କିଟ ପଡିଥିବା ଦେଖିବା ପରେ ମେଡିକାଲ ଟିମ ତାକୁ ପୋଡି ନଷ୍ଟ କରିଛନ୍ତି । ତେବେ ବାରମ୍ବାର ପିପିଇ କିଟ ଫିଙ୍ଘା ଘଟଣା ସାମ୍ନାକୁ ଆସୁଥିବା ବେଳେ କିଏ ଏସବୁ ରାସ୍ତା କଡରେ ପକାଉଛି, ତାହା ଧରିବା ପାଇଁ ପୋଲିସକୁ ନିୟୋଜିତ କରାଯିବ ବୋଲି ମେଡିକାଲ ଇନଚାର୍ଜ କହିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
