ଗଜପତି: କୋରୋନାକୁ ପ୍ରତିହତ କରିବା ପାଇଁ ସରକାର ଦେଶବ୍ୟାପୀ ଲକଡାଉନ ଘୋଷଣା କରିଥିଲେ । ହେଲେ କିଛି ଯୁବପିଢୀ ଏହାକୁ ଖୁଲମଖୁଲା ଉଲଙ୍ଘନ କରି ବାହାରେ ବୁଲୁଥିବା ଦେଖିବାକୁ ମିଳିଛି । ଏନେଇ ପାରଳାଖେମୁଣ୍ଡି ପୋଲିସ ଏମାନଙ୍କ ଉପରେ ନେଇଛି ଦୃଢ କାର୍ଯ୍ୟାନୁଷ୍ଠାନ ।
ଲକଡାଉନ ଉଲଙ୍ଘନକାରୀ 32ଜଣ ଯୁବକଙ୍କୁ କ୍ବାରେଣ୍ଟାଇନରେ ରଖିଲା ଗଜପତି ପୋଲିସ
ଲକଡାଉନ ଘୋଷଣା କରିବା ପର ଠାରୁ ପୋଲିସ ଏବଂ ପ୍ରଶାସନ ଲୋକଙ୍କୁ ସଚେତନ କରିବା ସହ ସରକାରଙ୍କ ନିର୍ଦ୍ଦେଶକୁ ମାନି ଚଳିବାକୁ ବାରମ୍ବାର ତାଗିତ କରିଆସୁଥିଲେ ସୁଦ୍ଧା ସୋମବାର 32 ଜଣ ଯୁବକ ଏହି ଲକଡାଉନକୁ ନମାନି ବାହାରେ ବୁଲୁଥିଲେ । ଯାହାଙ୍କୁ ପୋଲିସ ଉଠାଇ ନେଇ ସେମାନଙ୍କ ନାରେ ମାମଲେ ରୁଜ୍ଜୁ କରିବା ସହ ସେମାନଙ୍କୁ କ୍ବାରେଣ୍ଟାଇନ ସେଣ୍ଟରକୁ ପଠାଇବା ପାଇଁ ବ୍ୟବସ୍ଥା କରାଯାଉଛି ବୋଲି ସୂଚନା ଦେଇଛନ୍ତି ଏସପି ସାରା ଶର୍ମା । ଏହିଭଳି କିଛି ଅମାନିଆ ବ୍ୟକ୍ତି ନିଜ ପାଇଁ ବିପଦ ସୃଷ୍ଟି କରିବା ସହ ଅନ୍ୟମାନଙ୍କ ପାଇଁ ମଧ୍ୟ ବିପଦର କାରଣ ବନୁଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
