ପାରଳାଖେମୁଣ୍ଡି: ନାଳରୁ ଯୁବକର ମୃତଦେହ ଉଦ୍ଧାର । ପାରଳାଖେମୁଣ୍ଡିର ଲକ୍ଷ୍ମୀନଗର ଅଞ୍ଚଳର ନାଳରେ ଏକ ଯୁବକର ମୃତଦେହ ଠାବ କରାଯାଇଛି । ଘଟଣା ସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରିଛି ।
ନାଳରୁ ଯୁବକଙ୍କ ମୃତ ଦେହ ଉଦ୍ଧାର
ଗଜପତି ଜିଲ୍ଲାର ସଦରମହକୁମା ପାରଳାଖେମୁଣ୍ଡିସ୍ଥିତ ଲକ୍ଷ୍ମୀନଗର ଅଞ୍ଚଳ ନାଳରେ ଜଣେ ଯୁବକର ମୃତଦେହ ଉଦ୍ଧାର କରାଯାଇଛି । ମୃତ ଯୁବକଙ୍କ ଘର ରାଣିପଦ୍ମାବତୀ ସାହି ଅଞ୍ଚଳରେ ବୋଲି ଜଣାପଡିଛି । ସେ ନିକଟସ୍ଥ କୁକୁଡା ଫାର୍ମରେ ଦୀର୍ଘ ବର୍ଷ ଧରି କାମ କରୁଥିଲେ । ମୃତ୍ୟୁର କାରଣ ସ୍ପଷ୍ଟ ହୋଇନଥିବା ବେଳେ ନିଶାସକ୍ତ ଅବସ୍ଥାରେ ପଡି ମୃତ୍ୟୁବରଣ କରିଥିବା ଅନୁମାନ କରାଯାଉଛି । ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି ।
ଗଜପତିରୁ ହରିହର ପଟ୍ଟନାୟକ,ଇଟିଭି ଭାରତ
