ଗଜପତି: ଗାଁ ପୋଖରୀରେ ଭାସୁଛି ମୃତଦେହ । ଗଜପତି ଜିଲ୍ଲା ମୋହନା ବ୍ଲକ ଅନ୍ତର୍ଗତ ଚନ୍ଦ୍ରଗିରି ବାଉଁଶୁରୀ ଗାଁରେ ଦେଖିବାକୁ ମିଳିଛି ଏହି ଦୃଶ୍ୟ । ମୃତକ ମୋହନା ବିଧାୟକ ଦାଶରଥି ଗମାଙ୍ଗଙ୍କ ଡ୍ରାଇଭର ସୀତାରାମ ଜାନୀଙ୍କ ବାପା ଶୁକଦେବ ଜାନୀ । ମୃତକଙ୍କ ପାଟି, ଆଖି ଓ ନାକରୁ ରକ୍ତ ବାହାରୁଥିବା ଯୋଗୁଁ କେହି ହତ୍ୟା କରି ଫିଙ୍ଗି ଦେଇଥିବା ସନ୍ଦେହ କରାଯାଉଛି ।
ଶୁକଦେବ ଗତ ସୋମବାର ଠାରୁ ନିଖୋଜ ଥିଲେ । ହେଲେ ବୁଧବାର ଗାଁ ପୋଖରୀରେ ଭାସମାନ ଅବସ୍ଥାରେ ତାଙ୍କ ମୃତଦେହ ଦେଖାଯାଇଛି । ପୋଲିସ ଏ ଯାଏଁ ଘଟଣାସ୍ଥଳରେ ପହଞ୍ଚି ନଥିବାବେଳେ ପରିବାର ଲୋକେ ମୋହନା ଥାନାରେ ଅଭିଯୋଗ କରିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
