ଗଜପତି: କଏଦୀଙ୍କ ମୃତ୍ୟୁ । ଗଜପତି ଜିଲ୍ଲା ପାରଳାଖେମୁଣ୍ଡି ଜେଲରେ ଜଣେ କଏଦୀଙ୍କ ମୃତ୍ୟୁ ଘଟିଛି। ମୃତ କଏଦୀଙ୍କ ନାଁ ଜୟପାଲ ସିଂ ଏବଂ ତାଙ୍କ ଘର ହରିୟଣାର ଫତେବାଦ ଜିଲ୍ଲା ନନ୍ଦପୁର ଅଞ୍ଚଳରେ ବୋଲି ଜଣାପଡ଼ିଛି।
ଜେଲରେ କଏଦୀଙ୍କ ମୃତ୍ୟୁ
ତାଙ୍କୁ ଗଞ୍ଜେଇ ଚୋରା ଚାଲାଣ ଅଭିଯୋଗରେ ମୋହନା ଥାନା ପୋଲିସ ଗତ ଅକ୍ଟୋବର ୧୬ ତାରିଖରେ ଗିରଫ କରିଥିଲେ। ତାଙ୍କୁ କୋର୍ଟ ଚାଲାଣ ବେଳେ କୋଭିଡ ପରୀକ୍ଷା କରାଯାଇଥିଲା । ଯେଉଁଥିରେ ତାଙ୍କ ରିପୋର୍ଟ ନେଗେଟିଭ ଆସିଥିଲା ।
ରବିବାର ରାତିରେ ସେ ହଠାତ୍ ଅସୁସ୍ଥ ହୋଇପଡିଥିଲେ । ସେଥିପାଇଁ ତାଙ୍କୁ ପାରଳାଖେମୁଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ମାତ୍ର ସୋମବାର ଭୋର ସମୟରେ ତାଙ୍କ ଦେହାନ୍ତ ହୋଇଯାଇଥିବା ପାରଳାଖେମୁଣ୍ଡି ଜେଲର ହନୁ ସେଠୀ କହିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
