ଗଜପତି: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ନାମାଙ୍କନ ପ୍ରକ୍ରିୟା ଜାରି ରହିଛି । ଆଉ ଦିନକ ପରେ ଏହା ଶେଷ ହେବ । ଗଜପତି ଜିଲ୍ଲାରେ ପ୍ରଥମ ୨ ଦିନ କୌଣସି ଦଳ ପକ୍ଷରୁ ନାମାଙ୍କନ ଦାଖଲ ହୋଇନଥିବା ବେଳେ ତୃତୀୟ ଦିନରେ କଂଗ୍ରେସର ୬ ଜଣ ପ୍ରାର୍ଥୀ ନାମଙ୍କନ ଦାଖଲ କରିଥିଲେ ।
୪ର୍ଥ ଦିନରେ ଜିଲ୍ଲାରେ ୨୫ ଜଣ ପ୍ରାର୍ଥୀ ନାମାଙ୍କନ ଦାଖଲ କରିଛନ୍ତି
ତେବେ ୪ର୍ଥ ଦିନରେ ୨୫ ଜଣ ପ୍ରାର୍ଥୀ ନାମାଙ୍କନ ଦାଖଲ କରିଛନ୍ତି । ସେହି ୨୫ ଜଣଙ୍କ ମଧ୍ୟରୁ ବିଜେପିର ୯ ଜଣ ପ୍ରାର୍ଥୀ ରହିଥିବା ବେଳେ ବିଜେଡିର ୮ଜଣ, କଂଗ୍ରେସର ୫ ଜଣ ଏବଂ ସିପିଆଇ(ଏମ)ର ୩ ଜଣ ପ୍ରାର୍ଥୀ ରହିଛନ୍ତି । ଆଜି ପ୍ରାର୍ଥୀପତ୍ର ଦାଖଲର ଶେଷ ଦିନ ହୋଇଥିବାରୁ ବଳକା ପ୍ରାର୍ଥୀମାନେ ମଧ୍ୟ ନାମଙ୍କନ ଦାଖଲ କରିବେ ବୋଲି ସବୁ ଦଳ ପକ୍ଷରୁ କୁହାଯାଇଛି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
