ଗଜପତି: ମହେନ୍ଦ୍ରଞ୍ଚଳ ଓ ପାରଳାଖେମୁଣ୍ଡି ବନ ବିଭାଗ ପକ୍ଷରୁ 150 କିଲୋ ଓଜନର 3 ଗୋଟି ରକ୍ତ ଚନ୍ଦନ କାଠ ଜବତ କରିବା ସହ 2ଜଣଙ୍କୁ ଗିରଫ କରାଯାଇଛି । ସୂଚନାମୁତାବକ, ଗୋଟିଏ ଅଟୋରେ ରକ୍ତ ଚନ୍ଦନ କାଠ ଚୋରା ଚାଲାଣ ହେଉଥିବା କୌଣସି ସୁତ୍ରରୁ ଖବର ପାଇ ବନ ବିଭାଗ ପକ୍ଷରୁ ପାରଳାଖେମୁଣ୍ଡି ନିକଟସ୍ଥ ବାଞ୍ଜେରୀ ଗାଁ ନିକଟରେ ଅଟୋ ଉପରେ ଚଢାଉ କରାଯାଇଥିଲା । ପରେ ସେଥିରେ ଥିବା 3ଟି ରକ୍ତ ଚନ୍ଦନ କାଠକୁ ଜବତ କରିବା ସହ ଅଟୋର ଥିବା 2ଜଣଙ୍କୁ ଧରିଥିଲା ବନ ବିଭାଗ ।
150 କିଲୋ ଓଜନର ରକ୍ତ ଚନ୍ଦନ କାଠ ଜବତ, 2 ଗିରଫ
ଜବତ କାଠର ଓଜନ ପ୍ରାୟ 150 କିଲୋ ହୋଇଥିବା ବେଳେ ଚାଲାଣ କରୁଥିବା 2ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ସୁଚନା ଦେଇଛନ୍ତି ବନଅଧିକାରୀ ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
