ଢେଙ୍କାନାଳ: ହିନ୍ଦୋଳ ବନାଞ୍ଚଳରେ ବିଦ୍ୟୁତ ଆଘାତରେ ହାତୀ ଓ ବାରହା ମୃତ୍ୟୁ ଘଟଣାରେ ବନ ବିଭାଗ ଦ୍ବାରା ଦୁଇ ଜଣ ଗିରଫ । ଗିରଫ ଦୁଇଜଣ ବ୍ୟକ୍ତି ବାଲିମୀଥାନା ଅନ୍ତର୍ଗତ କନ୍ତିମିଲିର ଦିଲ୍ଲୀପ ସେଠୀ ଓ କଡଲା ଗ୍ରାମର ରାଜା ପ୍ରଧାନ ବୋଲି ଜଣାପଡିଛି ।
ବିଦ୍ୟୁତ ଆଘାତରେ ହାତୀ ଓ ବାରହା ମୃତ୍ୟୁ ଘଟଣା, ଦୁଇ ଗିରଫ
ସୂଚନା ମୁତାବକ ଗତ ୩୦ତାରିଖରେ ଢେଙ୍କାନାଳ ଜିଲ୍ଲା ହିନ୍ଦୋଳ ବନାଞ୍ଚଳର ପୁରୁଣାକୋଟ ଗ୍ରାମ ବେଣୁପଥର ନିକଟରେ ବିଦ୍ୟୁତ ଆଘାତରେ ଗୋଟିଏ ହାତୀ ଓ ବାରାହର ମୃତ୍ୟୁ ଘଟିଥିଲା। ଘଟଣା ସ୍ଥଳରୁ ବନ ବିଭାଗ କିଛି ବିଦ୍ୟୁତ ତାର ଜବତ କରି ତଦନ୍ତ ଚଳାଇଥିଲା ।
ତେବେ ଏହି ଅଞ୍ଚଳରେ ବଣୁଆ ଜୀବଜନ୍ତୁଙ୍କ ଉପଦ୍ରବରୁ ଧାନ ଫସଲକୁ ସୁରକ୍ଷା ପାଇଁ ବିଦ୍ୟୁତ କରେଣ୍ଟ ବିଛାଯାଇଥିବାରୁ ହାତୀ ଓ ବାରହା ବିଦ୍ୟୁତ ଫାଶରେ ପଡି ଯାଇଥିବା ଅନୁମାନ କରି ତଦନ୍ତ କରୁଥିଲା ହିନ୍ଦୋଳ ବନବିଭାଗ । ଏହି ଘଟଣାରେ ଆଜି ବନ ବିଭାଗ ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
