ଢେଙ୍କାନାଳ: ବଜ୍ରପାତ ଘଟି ଜଳିଗଲା ଦୁଇ ବଖରା ଘର । ଏଭଳି ଏକ ଘଟଣା ଘଟିଛି ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅନ୍ତର୍ଗତ ମୁରୁଗା ଗ୍ରାମରେ । ଗ୍ରାମର କବିର ନାଏକଙ୍କ ଚାଳଛପର ଘରେ ବଜ୍ରପାତ ଘଟିବାରୁ ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ କରିଥିଲା।
ବଜ୍ରପାତରେ ଜଳିଗଲା ଦୁଇ ବଖରା ଘର
ଘରେ କବିର ନାଏକ,ତାଙ୍କ ସ୍ତ୍ରୀ, ସାନ ପୁଅ ବୋହୁ ଓ ଝିଅ ଘରେ ବସିଥିବା ସମୟରେ ହଠାତ ବଜ୍ରପାତ ଘଟି ଘର ଜଳି ଉଠିଲା । ଫଳରେ ଝିଅ ବିବାହ ପାଇଁ ଘରେ ରଖିଥିବା 1ଲକ୍ଷ ଟଙ୍କାର ଆସବାପତ୍ର ଓ ଧାର କରଜ କରି ରଖିଥିବା ୩୦ ହଜାର ଟଙ୍କା ଜଳି ପୋଡି ପାଉଁଶ ହୋଇଯାଇଛି ।
କବିର ନାଏକ ଜଣେ ଦିନ ମଜୁରୀଆ ହୋଇଥିବା ବେଳେ ଏବେ ମୁଣ୍ଡ ଉପରେ ଝିଅ ବାହାଘର ଚିନ୍ତା । ଏପରି ଅବସ୍ଥାରେ ଝିଅର ବିବାହ କିପରି କରିବେ ସେହି ଚିନ୍ତାରେ ପରିବାର ଲୋକେ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
