ଢେଙ୍କାନାଳ: କୋରୋନା ମହାମାରୀ ଯୋଗୁଁ ଦୀର୍ଘ ଦିନ ହେଲା ବନ୍ଦ ରହିଛି ସମସ୍ତ ଶିକ୍ଷାନୁଷ୍ଠାନ । ଏପରିସ୍ଥଳେ ଶିକ୍ଷାଦାନର ଏକମାତ୍ର ବିକଳ୍ପ ପନ୍ଥା ସାଜିଛି ଅନଲାଇନ ଶିକ୍ଷାଦାନ । ଉଭୟ ଘରୋଇ ଓ ସରକାରୀ ଶିକ୍ଷାନୁଷ୍ଠାନ ୟୁଟ୍ୟୁବ ଜରିଆରେ ପାଠ ପଢାଉଛନ୍ତି । ରାଜ୍ୟରେ ସରକାରୀ ଶିକ୍ଷାନୁଷ୍ଠାନରେ ପ୍ରଥମ ଶ୍ରେଣୀରୁ ଦଶମ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ୟୁଟ୍ୟୁବ୍ ପାଠପଢା ଆରମ୍ଭ କରିଛନ୍ତି ରାଜ୍ୟ ସରକାର । ମାତ୍ର ଅପହଞ୍ଚ ଇଲାକାରେ ଛାତ୍ରଛାତ୍ରୀଙ୍କ ପାଇଁ ଅପହଞ୍ଚ ହୋଇଛି ଏହି ଅନଲାଇନ ଶିକ୍ଷା । କିଏ ନେଟୱାର୍କ ପାଇଁ ପାହାଡ ଚଢୁଛି ତ ଆଉ କିଏ ଘରଠାରୁ ବହୁ ଦୂର ଜଙ୍ଗଲ ପାର କରୁଛି । ଢେଙ୍କାନାଳ ଜିଲ୍ଲା ଭୁବନ ବ୍ଲକ ଅନ୍ତର୍ଗତ ବାଉଁଶକଣ ଗ୍ରାମରେ ଦେଖିବାକୁ ମିଳିଛି ଏପରି କିଛି ଦୃଶ୍ୟ ।
ବାଉଁଶକଣା ଗ୍ରାମରେ ଏୟାଟେଲ ଓ ଜିଓ ନେଟଓ୍ବର୍କ କାମ କରୁଥିବାବେଳେ ଗତ କିଛିଦିନ ହେବ ତାହା ଠିକ୍ ଭାବେ ଆସୁନାହିଁ । ଫଳରେ ଗ୍ରାମର ପିଲାମାନେ ଗାଁଠୁ 1 କିଲୋମିଟର ଦୂର ଏକ ବରଗଛ ମୂଳକୁ ଯାଉଛନ୍ତି ପାଠ ପଢିବା ପାଇଁ । ଏହି ବାଟରେ ଅନେକ ହିଂସ୍ରଜନ୍ତୁ ଭୟ ରହିଥିଲେ ମଧ୍ୟ ନାଚାର ଶିକ୍ଷାର୍ଥୀ । ଏଣୁ ସରକାର ଏହିସବୁ ସମସ୍ୟା ପ୍ରତି ଦୃଷ୍ଟି ଦେବାକୁ ଛାତ୍ରଛାତ୍ରୀ ଦାବି କରିଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
