ଢେଙ୍କାନାଳ: ଜିଲ୍ଲାର ବନଖଣ୍ଡ ଅନ୍ତର୍ଗତ ଷଡ଼ଙ୍ଗୀ ରେଞ୍ଜରେ 40କେଜିର ଏକ କଇଁଛ ସ୍ଥାନୀୟ ବାସିନ୍ଦାଙ୍କ ଘରେ ପଶି ଯାଇଥିଲା । ତେବେ ଉକ୍ତ ସ୍ଥାନରେ ବନବିଭାଗ ପହଞ୍ଚି କଇଁଛକୁ ଉଦ୍ଧାର କରିଥିବା ସୂଚନା ମିଳିଛି ।
ସ୍ଥାନୀୟ ବାସିନ୍ଦାଙ୍କ ଘରୁ 40କେଜିର କଇଁଛ ଉଦ୍ଧାର
ମିଳିଥିବା ତଥ୍ୟ ଅନୁସାରେ ଗଁଦିଆ ବ୍ଲକ ତଳକାଶୀପୁର ଗ୍ରାମର ଭ୍ରମର ତରାଇଙ୍କ ଘରେ ଏକ କଇଁଛ ପଶି ଆସିଥିଲା । କଇଁଛଟିକୁ ଦେଖିବା ପରେ ଗ୍ରାମବାସୀ ବନ ବିଭାଗକୁ ଖବର ଦେଇଥିଲେ। ଘଟଣାସ୍ଥଳରେ ବନ ବିଭାଗ କର୍ମଚାରୀ ପହଞ୍ଚି କଇଁଛଟିକୁ ଉଦ୍ଧାର କରିଛି। ତେବେ ଏହାର ଓଜନ ପ୍ରାୟ 40କେଜିରୁ ଊର୍ଦ୍ଧ୍ବ ଥିବା ବନ ବିଭାଗ ସୂଚନା ଦେଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
