ଢେଙ୍କାନାଳ: ବିଦ୍ୟାଳୟ କର୍ତ୍ତୃପକ୍ଷଙ୍କ ମନମାନୀ ନେଇ ଅଭିଭାବକଙ୍କ ଅସନ୍ତୋଷ । ଘଟଣାଟି ଘଟିଛି କାମାକ୍ଷାନଗର ବ୍ଲକ୍ ମହୁଲପାଳରେ ଥିବା ରାମକୃଷ୍ଣ ଆଦର୍ଶ ବିଦ୍ୟାଳୟରେ ।
ବିଦ୍ୟାଳୟ କର୍ତ୍ତୃପକ୍ଷଙ୍କ ମନମାନି ନେଇ ଅଭିଭାବକଙ୍କ ଅସନ୍ତୋଷ
ଉକ୍ତ ବିଦ୍ୟାଳୟର 53 ଜଣ ପିଲା ରହି ପାଠ ପଢୁଛନ୍ତି । ତେବେ ଏକ୍ସମାସ ଛୁଟି ଥିବାରୁ ପିଲାମାନେ ନିଜ ନିଜର ଘରକୁ ଯାଇଥିଲେ । ମାତ୍ର 11 ଜଣ ପିଲା ଘରକୁ ଯିବାକୁ ନିଜର ଅଭିଭାବକଙ୍କ ଅପେକ୍ଷା କରିଥିଲେ । ଶନିବାର ତାଙ୍କ ଅଭିଭାବମାନେ ସ୍କୁଲରୁ ସେମାନଙ୍କ ପିଲାଙ୍କୁ ନେବା ପାଇଁ ପହଞ୍ଚିଥିବାବେଳେ ସ୍କୁଲ ଫାଟକରେ ତାଲା ପଡିଥିଲା । ଯାହାକୁ ନେଇ ଅଭିଭାବକଙ୍କ ମହଲରେ ଉତ୍ତେଜନା ପ୍ରକାଶ ପାଇଥିଲା ।
ଖବର ପାଇ କାମାକ୍ଷାନଗର ପୋଲିସ ସ୍କୁଲରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବାରୁ ପରିସ୍ଥିତି ଶାନ୍ତ ପଡିଥିଲା । ଏହା ପରେ ଅଭିଭାବକ ମାନେ ନିଜ ନିଜ ଗ୍ରାମକୁ ପିଲାଙ୍କୁ ନେଇ ଯାଇଥିଲେ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
