ଢେଙ୍କାନାଳ: ବନ୍ଧୁକ ତିଆରି କାରଖାନାରେ ଚଢାଉ କରିଛି ପରଜଙ୍ଗ ଥାନା ପୋଲିସ । ତେବେ ଖବର ପାଇ ଘଟଣାସ୍ଥଳରେ ପୋଲିସ କଲା ଚଢ଼ାଉ । ଆଉ ଏହି ଚଢ଼ାଉରେ ଦେଶୀ ବନ୍ଧୁକ ସହ କିଛି ବନ୍ଧୁକ ତିଆରି ସାମଗ୍ରୀକୁ ଜବତ କରିଛି ପୋଲିସ । ସୂଚନାନୁସାରେ ଢେଙ୍କାନାଳ ଜିଲ୍ଲା ପକଜଙ୍ଗ ଥାନା ପୋଲିସ ବାମ ଗ୍ରାମରେ ତିଆରି ଚାଲିଥିବା ଏକଦେଶୀ ବନ୍ଧୁକ କାରଖାନାରେ ଚଢ଼ାଉ କରିଥିଲା । ପୋଲିସର ଚଢାଉରେ ବନ୍ଧୁକ ସମେତ ବନ୍ଧୁକ ତିଆରି ସାମଗ୍ରୀ ଜବତ କରିଛି । ଏହି ବନ୍ଧୁକ ତିଆରି କରୁଥିବା ଜଣେ ବ୍ୟକ୍ତିକୁ ଗିରଫ କରିଛି ପୋଲିସ । ଗିରଫ ଯୁବକ ହେଲେ ବାମ ଗ୍ରାମ ଭୂତୁରିଆ ସାହିର ମଙ୍ଗୁଳୁ ମହାରଣା । ବନ୍ଧୁକ ତିଆରି କରି ବାହାରକୁ ଚାଲାଣ କରୁଥିବା ନେଇ ପୋଲିସ ସୂଚନା ଦେଇଛି ।
ତେବେ ବିଶେଷ ସୂତ୍ରରୁ ପୋଲିସ ଖବର ପାଇ ପରଜଙ୍ଗ ଥାନା ଅଧିକାରୀଙ୍କ ନେତୃତ୍ବରେ ଗୁରୁବାର ବିଳମ୍ବିତ ରାତିରେ ମଙ୍ଗୁଳୁ ମହାରଣାଙ୍କ ଘରେ ଚଢାଉ କରିଥିଲା । ଚଢାଉ ବେଳେ ତା ନିକଟରୁ ଗୋଟିଏ ଦେଶୀ ବନ୍ଧୁକ ଓ ବନ୍ଧୁକ ତିଆରିରେ ବ୍ୟବହୃତ ହେଉଥିବା ସରଞ୍ଜାମ ଗୁଡିକୁ ଜବତ କରିବାରେ ସକ୍ଷମ ହୋଇଛି । ଦୀର୍ଘ ଦିନ ହେବ ଏହିଠାରେ ବେଆଇନ ଭାବେ ବନ୍ଧୁକ ତିଆରି ହେଉଥିଲା ବୋଲି ପୋଲିସ ସୂଚନା ପାଇଛି ।
ବିଶେଷ କରି ଏହି ବନ୍ଧୁକ ଗୁଡିକୁ ଅଧିକାଂଶ ସମୟରେ ଜୀବଜନ୍ତୁ ଶିକାର ଉଦ୍ଦେଶ୍ୟରେ ବ୍ୟବହୃତ ହେଉଥିବା ଜଣାପଡିଛି । ପୋଲିସ ମଙ୍ଗୁଳୁକୁ ଗିରଫ କରି କୋର୍ଟ ଚାଲାଣ କରିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
