ଢେଙ୍କାନାଳ: ହିନ୍ଦୋଳ ରୋଡ଼ ଫାଣ୍ଡି ଅନ୍ତର୍ଗତ ଓଡ଼ପଡା କଲେଜ ଛକ ନିକଟରୁ ଏକ ମୃତଦେହ ଠାବ କରିଛି ପୋଲିସ । ମୃତକ ଜଣଙ୍କ ସ୍ଥାନୀୟ ନୂଆବାଙ୍ଗୁରିସିଂହ ଗ୍ରାମର ଚଣିଆ ବେହେରା ବୋଲି ଜଣାପଡିଛି । ଓଡାପଡା କଲେଜ ନିକଟରେ ଏନଏଚ-୫୫ରେ ହାତୀଙ୍କ ଯାତାୟାତ ପାଇଁ ଖୋଳାଯାଇଥିବା ଅଣ୍ଡର ପାସିଙ୍ଗ ଖାଲରେ ପାଣି ଭିତରେ ମୃତଦେହ ଭାସୁଥିବା କିଛି ଲୋକ ଦେଖିଥିଲେ ।
ଅଣ୍ଡର ପାସିଙ୍ଗ ଖାଲରୁ ମୃତଦେହ ଉଦ୍ଧାର
ଖବର ପାଇ ସ୍ଥାନୀୟ ହିନ୍ଦୋଳରୋଡ଼ ଫାଣ୍ଡି ପୁଲିସ ଅଗ୍ନିଶମ ବାହିନୀ ମାଧ୍ୟମରେ ମୃତଦେହକୁ ପାଣିରୁ ଉଦ୍ଧାର କରିଛି । ପରେ ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି । ଚଣିଆ ଅସାବଧାନତା ବଶତଃ ଏହି ପାଣିରେ ପଡିଯାଇଥିବା ଅନୁମାନ କରାଯାଇଛି । ପୋଲିସ ଏ ସମ୍ପର୍କରେ ତଦନ୍ତ ଆରମ୍ଭ କରିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
