ଢେଙ୍କାନାଳ : ବୃଦ୍ଧାଙ୍କୁ କଚାଡି ମାରିଲା ହାତୀ । ଏମିତି ଏକ ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା ତୁମୁସିଂହା ଥାନା ଅନ୍ତର୍ଗତ ଜୁଲଙ୍ଗ କାଟେଣି ଗ୍ରାମରେ। ମୃତ ବୃଦ୍ଧା ଜଣଙ୍କ ଜୁଲଙ୍ଗ କାଟେଣି ଗ୍ରାମର ଗୁମାନି ବିଶ୍ଵାଳଙ୍କ ପତ୍ନୀ ଦୁଲଣ ବିଶ୍ଵାଳ ବୋଲି ଜଣାପଡିଛି ।
ବୃଦ୍ଧାଙ୍କୁ କଚାଡି ମାରିଲା ହାତୀ
ଦୁଲଣ ଆଜି ତାଙ୍କ ଗାଁର ସବରା ପୋଖରୀକୁ ଶୌଚ ହେବା ପାଇଁ ଯାଇଥିବା ବେଳେ ଏକ ଦନ୍ତା ହାବୁଡରେ ପଡିଯାଇଥିଲେ । ଫଳରେ ହାତୀଟି ତାଙ୍କୁ କଚାଡି ଦେଇଥିଲା । ପାଖରେ ଥିବା ଲୋକ ଧାଇଁ ଆସି ପାଟି କରିବାରୁ ହାତୀଟି ଜଙ୍ଗଲ ଭିତରକୁ ପଳାଇଥିଲା ।
ଗୁରୁତର ଅବସ୍ଥାରେ ଦୂଳଣଙ୍କୁ ଉଦ୍ଧାର କରି ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ସୁଦ୍ଧା ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ଜଣାପଡିଛି।
ଡେଙ୍କାନାଳରୁ ଉର୍ମୀଳା ପାତ୍ରଙ୍କ ରିପୋର୍ଟ, ଇଟିଭି ଭାରତ
