ରେଳ ଧାରଣାରୁ ଅଜଣା ମୃତଦେହ ଉଦ୍ଧାର, ପରିଚୟ ଖୋଜୁଛି ପୋଲିସ

ରେଳ ଧାରଣାରେ ପଡ଼ିଛି ଜଣେ ବ୍ୟକ୍ତିଙ୍କ କ୍ଷତିବିକ୍ଷତ ମୃତଦେହ । ମିଳିପାରି ନାହିଁ ମୃତକଙ୍କ ପରିଚୟ । ଅଧିକ ପଢ଼ନ୍ତୁ

ଢେଙ୍କାନାଳ: ସିମିଳିଆ ରେଳ ଧାରଣାରୁ ଜୈନିକ ବ୍ୟକ୍ତିଙ୍କ ମୃତଦେହ ଉଦ୍ଧାର । ମୃତଦେହକୁ ଉଦ୍ଧାର କରିଛି ଜିଆରପି ପୋଲିସ । ମୃତଦେହଟି କ୍ଷତବିକ୍ଷତ ହୋଇଥିବାବେଳେ ମୃତ୍ୟୁର କାରଣ ଜଣାପଡିନାହିଁ । ଘଟଣାସ୍ଥଳରେ ଟାଉନ ପୋଲିସ ପହଞ୍ଚି ଜିଆରପି ସହାୟତାରେ ତଦନ୍ତ ଆରମ୍ଭ କରିଛି । ତେବେ ଏବେ ଯାଏଁ ମୃତ ବ୍ୟକ୍ତିଙ୍କ ସଠିକ ପରିଚୟ ମିଳିପାରିନଥିବା ବେଳେ ମୃତକଙ୍କ ଘର ସଦର ଥାନା ଭାପୁର ଅଞ୍ଚଳରେ ବୋଲି ଅନୁମାନ କରାଯାଉଛି ।

ଅନ୍ୟପକ୍ଷରେ ମୃତବ୍ୟକ୍ତି ଜଣକ କିଏ ତାହାର ତଦନ୍ତ କରୁଛି ପୋଲିସ । ଏହାସହ ମୃତବ୍ୟକ୍ତି ଜଣକ ଆତ୍ମହତ୍ୟା କରିଛନ୍ତି ନାଁ ତାଙ୍କୁ ହତ୍ୟା କରି ଏଠି ଫିଙ୍ଗି ଦିଆଯାଇଛି । ଏଠାକୁ କିପରି ଆସିଲେ ବ୍ୟକ୍ତି ଜଣକ ନା ତାଙ୍କୁ ଆଉ କେଉଁଠି ହତ୍ୟା କରିକି ଏଠି ଫିଙ୍ଗା ଯାଇଛି ସେ ସବୁର ତଦନ୍ତ କରୁଛି ପୋଲିସ ।

ସେପଟେ ସ୍ଥାନୀୟ ଅଞ୍ଚଳରେ ମଧ୍ୟ ପୋଲିସ ତଦନ୍ତ କରୁଛି । ଆଖପାଖ ଲୋକଙ୍କ ପଚରାଉଚୁରା କରୁଛି । ଅନ୍ୟପକ୍ଷରେ ପୋଲିସ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରିଛି । ଏ ସମ୍ପର୍କରେ ପୋଲିସ ଏକ ମାମଲା ମଧ୍ୟ ରୁଜୁ କରିଛି ।

ଇଟିଭି ଭାରତ, ଢେଙ୍କାନାଳ