ଢେଙ୍କାନାଳ: କୋରୋନା ମହାମାରୀ ସାରା ରାଜ୍ୟକୁ ଭୟଭୀତ କରିବା ସହ କ୍ରମଶଃ ସଂକ୍ରମଣ ଜଟିଳ ପରିସ୍ଥିତି ସୃଷ୍ଟି କଲାଣି । ତେବେ ଏହି ମହାମାରୀକୁ ପ୍ରତିହତ କରିବା ପାଇଁ ଚାଲିଥିବା ମହାଯୁଦ୍ଧରେ ସାମ୍ବାଦିକ ମାନଙ୍କୁ ଜଣେ ଜଣେ ସମ୍ମୁଖ ଯୋଦ୍ଧା ଭାବେ ରାଜ୍ୟ ସରକାର ଘୋଷଣା କରିଛନ୍ତି । ତେବେ ଢେଙ୍କାନାଲ ଜିଲ୍ଲା ଗଁନ୍ଦିଆ ବ୍ଲକର ସାମ୍ବାଦିକ ନିଜର ବ୍ୟସ୍ତ ବହୁଳ ପେଶାରୁ ଟିକିଏ ସମୟ ବାହାର କରି ସାମାଜିକ ସଚେତନତା ପାଇଁ ଅଣ୍ଟା ଭିଡିଛନ୍ତି।
ଏପରିକି ଗଁନ୍ଦିଆ ଡିଜିଟାଲ ମିଡ଼ିଆ ଆସୋସିଏସନ ପକ୍ଷରୁ ସପ୍ତାହ ବ୍ୟାପୀ ଲୋକ ମାନଙ୍କୁ ମାସ୍କ ଓ ସାନିଟାଇଜର ବଣ୍ଟନ କରୁଥିବା ଦେଖିବାକୁ ମିଳିଛି । ଏପରିକି ଏହି ମହାମାରୀରୁ କିପରି ନିଜକୁ ସୁରକ୍ଷିତ ରଖିବା ସହ ଅନ୍ୟମାନଙ୍କୁ ସୁରକ୍ଷିତ ପାଇଁ ସାମାଜିକ ଦୂରତା, ମାସ୍କ ପିନ୍ଧିବା, ହାତ ଧୋଇବା ଓ ସରକାରଙ୍କ ଗାଇଡଲାଇନକୁ ମାନି ଅଯଥା ଘରୁ ନବାହାରିବା ଲୋକଙ୍କୁ ବୁଝାଉଛନ୍ତି ସମ୍ବାଦିକ।
ଏହି ଉପଲକ୍ଷେ ଆୟୋଜିତ ଏକ କାର୍ଯ୍ୟକ୍ରମକୁ ସ୍ଥାନୀୟ ଗଁନ୍ଦିଆ ତହସିଲଦାର ଆଶିଷ ରଞ୍ଜନ ସାହୁ, ବିଡ଼ିଓ ନେତ୍ରନନ୍ଦ ମଲ୍ଲିକ ଓ ଥାନା ଅଧିକାରୀ ବିଷ୍ଣୁ ଚରଣ ବାରିକ ପ୍ରମୁଖ ଯୋଗ ଦେଇ କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି । ଏହି ଅବସରରେ ଲକଡାଉନର ସୁଯୋଗରେ ଅସାଧୁ ବ୍ୟବସାୟୀ ଚଢା ଦରରେ ସାମଗ୍ରୀ ନବିକିବାକୁ ସାମ୍ବାଦିକମାନେ ଅନୁରୋଧ କରିଥିଲେ।
ଢେଙ୍କାନାଳରୁ ଉର୍ମିଲା ପାତ୍ର, ଇଟିଭି ଭାରତ
