ଢେଙ୍କାନାଳ: ଆସନ୍ତା ଅକ୍ଟୋବର ୩୧ ତାରିଖରୁ ଢେଙ୍କାନାଳର ପ୍ରସିଦ୍ଧ ଲକ୍ଷ୍ମୀପୂଜା ଉତ୍ସବ ହେବାକୁ ଯାଉଛି । ପରମ୍ପରା ମୁତାବକ ଢେଙ୍କାନାଳ ମିଳିତ ଲକ୍ଷ୍ମୀପୂଜା କମିଟି ପକ୍ଷରୁ ଏକ ମିଳିତ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଚଳିତ ବର୍ଷ ପାଇଁ ପୁନର୍ବାର ବିଶ୍ୱନାଥ ବେହେରାଙ୍କୁ ମିଳିତ ଲକ୍ଷ୍ମୀପୂଜା କମିଟିର ଅଧ୍ୟକ୍ଷ ଭାବେ ମନୋନୀତ କରାଯାଇଛି ।
ପ୍ରସିଦ୍ଧ ଢେଙ୍କାନାଳ ଲକ୍ଷ୍ମୀପୂଜା ଉତ୍ସବ ପାଇଁ ମିଳିତ ବୈଠକ
ପ୍ରଥମେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ଆତ୍ମାର ସଦଗତି ପାଇଁ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା । ଚଳିତ ବର୍ଷ କୋରୋନା କଟକଣା ପାଇଁ ନିରାଡମ୍ବର ଭାବେ କେବଳ ପୂଜା ମଣ୍ଡପରେ ମା’ ଙ୍କ ମୃଣାୟ ମୂର୍ତ୍ତି ପୂଜାରେ ସିମୀତ ରହିବ । ତେବେ ପୂଜାର ପରମ୍ପରା ରଖିବା ପାଇଁ ନଭେମ୍ବର ୯ ତାରିଖରେ ମା’ ଙ୍କର ବିସର୍ଜନ କରାଯିବ ।
କୌଣସି ସାଜସଜ୍ଜା ନକରିବା ସହ ଭାଷାଣି ଉତ୍ସବ ହେବ ନାହିଁ । କେବଳ ରୀତିନୀତି ମୁତାବକ ମା’ ଙ୍କ ପୂଜାରେ ସୀମିତ ରଖାଯିବ ବୋଲି ନିଷ୍ପତି ହୋଇଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
