ଢେଙ୍କାନାଳ: ଚୋରାଚାଲାଣ ବେଳେ ମାଙ୍କଡ଼ା ପଥର ବୋଝେଇ ଗୋଟିଏ ଟ୍ରକ ସହ ତିନୋଟି ଟ୍ରାକ୍ଟର ଜବତ କଲା ଭୁବନ ପୋଲିସ । ତେବେ ଢେଙ୍କାନାଳ ଜିଲ୍ଲା ଭୁବନ ଅଞ୍ଚଳରେ ଦିନକୁ ଦିନ ବେଆଇନ ମାଙ୍କଡା ପଥର କାରବାର ବୃଦ୍ଧି ପାଉଥିବା ବେଳେ ଏହାର ଚେର ଗନ୍ଦିଆଠାରୁ ଆରମ୍ଭ କରି ଭୁବନ ପର୍ଯ୍ୟନ୍ତ ଲମ୍ବିଥିବା ବିଶେଷ ସୂତ୍ରରୁ ଖବର ମିଳିଛି । ଏବଂ ଏଥିରେ କିଛି ଅସାଧୁ ସରକାରୀ କର୍ମଚାରୀଙ୍କର ମଧ୍ୟ ସପୃକ୍ତି ଥିବା ଜଣାପଡ଼ିଛି ।
ବର୍ତ୍ତମାନ ନାଇଟ କର୍ଫ୍ୟୁର ସୁଯୋଗ ନେଇ ଏହି ଚୋରା କାରବାର ବେସ ଆରାମରେ ଚାଲିଥିବା ବେଳେ ଭୁବନ ଥାନା ଅଧିକାରୀ ପ୍ରଶାନ୍ତ କୁମାର ପାତ୍ର ଗତକାଲି ବିଳମ୍ବିତ ରାତିରେ ଚଢାଉ କରି ୪ଟି ପଥର ବୋଝେଇ ଗାଡି ଧରିବାରେ ସକ୍ଷମ ହୋଇଥିଲେ । ଭୁବନ ଥାନାରେ ଗୋଟିଏ ଟ୍ରକ ଓ ତିନୋଟି ଟ୍ରାକ୍ଟର ସହ ୪ ଜଣଙ୍କୁ ଅଟକ ରଖାଯାଇଛି ।
ତେବେ ଏହି ଗାଡି ଗୁଡିକ ଭୁବନ ମହୁଲପାଳ ରାସ୍ତାରେ ଯାଉଥିବା ବେଳେ କୋଣସି ସୂତ୍ରରୁ ଖବର ପାଇ ଭୁବନ ପୋଲିସ ଚଢାଉ କରିଥିଲା । ହେଲେ ଏହି ପଥର କେଉଁଠାରେ ଉତ୍ତୋଳନ କରାଯାଉଛି, ଏନେଇ ଅଧିକ ତଦନ୍ତ ଚଳାଇଛି ପୋଲିସ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
