ଢେଙ୍କାନାଳ: ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ସରାଙ୍ଗର ହିଙ୍ଗୁଳା ଢାବା ଉପରେ ପରଜଙ୍ଗ ପୋଲିସର ଚଢାଉ । ଏହି ଚଢାଉରେ ପୋଲିସ ଢାବା ମାଲିକ ଯଶୋବନ୍ତ ସାହୁଙ୍କୁ ଗିରଫ କରିଛି । ଯେହେତୁ ସପ୍ତାହିକ 2ଦିନ ସଟଡାଉନ ଚାଲିଛି । ଏହାର ସୁଯୋଗ ନେଇ ଢାବା ମାଲିକ ଯଶୋବନ୍ତ ସାହୁ ଆଗପଟେ ଢାବା ବନ୍ଦ ରଖି ଥିବା ବେଳେ ପଛପଟେ ଗ୍ରାହକଙ୍କୁ ମଦ ବିକ୍ରି କରୁଥିଲେ ।
ବିଶେଷ ସୂତ୍ରରୁ ପୋଲିସ ଖବର ପାଇଥିଲା କି, ବିଦେଶୀ ମଦକୁ ଅପମିଶ୍ରଣ କରି ଚଢା ଦରରେ ବିକ୍ରି କରାଯାଉଛି । ତୁରନ୍ତ ପରଜଙ୍ଗ ଥାନା ଅଧିକାରୀ ସୌଭାଗ୍ୟ ରଞ୍ଜନ ସ୍ବାଇଙ୍କ ନେତୃତ୍ବରେ ପୋଲିସ ଟିମ ସହ ହିଙ୍ଗୁଳା ଢାବା ଉପରେ ଚଢାଉ କରିଥିଲା । ତେବେ ବେଆଇନ ଭାବେ ବିଦେଶୀ ମଦକୁ ଅପମିଶ୍ରଣ କରୁଥିବା ଅଭିଯୋଗରେ ଢାବା ମାଲିକଙ୍କ ବିରୋଧରେ ମାମଲା ରୁଜୁ କରାଯାଇ ତାଙ୍କୁ ଗିରଫ କରିଛି ପରଜଙ୍ଗ ପୋଲିସ । ଏହି ଚଢାଉରେ ୧୫ଟି ଖୋଲା ଅପମିଶ୍ରଣ ମଦ ଓ କିଛି ଖାଲି ମଦ ବୋତଲ ଜବତ କରାଯାଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
