ଢେଙ୍କାନାଳ: ପଞ୍ଚାୟତ ନିର୍ବାଚନର ଚତୁର୍ଥ ପର୍ଯ୍ୟାୟ ମତଦାନ ଆସନ୍ତାକାଲି(ମଙ୍ଗଳବାର) ଅନୁଷ୍ଠିତ ହେବ । ଏ କ୍ରମରେ ଢେଙ୍କାନାଳ ଜିଲ୍ଲାର କଙ୍କଡାହାଡ଼ ଓ ଭୁବନ ବ୍ଲକର ମୋଟ ୩୯ ପଞ୍ଚାୟତରେ ଭୋଟ ଗ୍ରହଣ କରାଯିବ । ଏନେଇ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।
Panchayat Poll : ଆସନ୍ତାକାଲି ଚତୁର୍ଥ ପର୍ଯ୍ୟାୟ ମତଦାନ,ଢେଙ୍କାନାଳରେ ବ୍ୟାପକ ପ୍ରସ୍ତୁତି
ଏହାବି ପଢନ୍ତୁ : Panchayat Poll: ଚତୁର୍ଥ ପର୍ଯ୍ୟାୟ ଭୋଟ, ଆବଶ୍ୟକ ନାହିଁ RTPCR ଟେଷ୍ଟ
ଜିଲ୍ଲାର ମୋଟ ୮ଟି ବ୍ଲକରୁ ୬ଟି ବ୍ଲକରେ ପୂର୍ବରୁ ଭୋଟ ଗ୍ରହଣ ଶେଷ ହୋଇଛି । କଙ୍କଡାହାଡ଼ ବ୍ଲକର ୨୧ଟି ଓ ଭୁବନ ବ୍ଲକର ୧୮ ପଞ୍ଚାୟତରେ ଏହି ଭୋଟ ଗ୍ରହଣ କରାଯିବ । ୩୯ ପଞ୍ଚାୟତର ସରପଞ୍ଚ ଓ ସମିତି ସଭ୍ୟ ୩୯ଟି, ଜିଲ୍ଲା ପରିଷଦ ପାଇଁ ୬ଟି ଓ ୱାର୍ଡ ମେମ୍ବର ୫୩୪ଟି ଆସନ ପାଇଁ ଭୋଟ ଗ୍ରହଣ କରାଯିବ । ଉଭୟ ବ୍ଲକରେ ମୋଟ ୫୩୪ଟି ବୁଥ ପ୍ରସ୍ତୁତ ହୋଇଥିବା ବେଳେ ସେଥିରୁ ୭୧ଟି ବୁଥ ସମ୍ବେଦନଶୀଳ ରହିଛି । ଫଳରେ କଡା ପୁଲିସ ବ୍ୟବସ୍ଥା ଗ୍ରହଣ କରାଯାଇଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
