ଢେଙ୍କାନାଳ : କୋଭିଡ ଭଳି ମହାମାରୀ ସମୟରେ କିଭଳି ଜରୁରୀ ଦୁର୍ଘଟଣାରୁ ଲୋକଙ୍କୁ ସୁରକ୍ଷା ଦିଆଯିବ ସେ ସମ୍ପର୍କରେ ସଚେତନ ପାଇଁ ଏକ ମକ ଡ୍ରିଲ କରାଯାଇଛି । ଅଗ୍ନିଶମ ବିଭାଗ ପକ୍ଷରୁ ଅନୁଗୁଳ ମଣ୍ଡଳ ପକ୍ଷରୁ ଢେଙ୍କାନାଳ କୋଭିଡ ହସ୍ପିଟାଲରେ ଏହି ମକ ଡ୍ରିଲ ଅଭ୍ୟାସ କରାଯାଇଛି । ଅନୁଗୁଳ ମଣ୍ଡଳର ଡେପୁଟି ଫାୟାର ଅଫିସର ସୀମାଞ୍ଚଳ ପାଢୀଙ୍କ ତତ୍ୱବାଧାନରେ ଢେଙ୍କାନାଲ ଅଗ୍ନି ସେବାଶ୍ରମ ବିଭାଗର କର୍ମଚାରୀ ଓ ଢେଙ୍କାନାଳ କୋଭିଡ ହସ୍ପିଟାଲରେ ନିୟୋଜିତ ସୁରକ୍ଷାକର୍ମୀ ମାନଙ୍କୁ ନେଇ ଏହି ଅଭ୍ୟାସ କରାଯାଇଛି ।
ଆକ୍ରାନ୍ତଙ୍କ ସୁରକ୍ଷା ତଥା କୋଭିଡ ଡାକ୍ତରଖାନାରେ ଜରୁରୀ ଦୁର୍ଘଟଣାକୁ କିପରି ସାମ୍ନା କରାଯିବ ତଥା ସଂକ୍ରମଣରୁ ନିଜେ ସୁରକ୍ଷିତ ରହି କିପରି ସାନିଟାଇଜ ସହ ସହାୟତା ପ୍ରଦାନ କରାଯିବ ସେ ସମ୍ପର୍କରେ ଏହି ମକ ଡ୍ରିଲ ରେ ଅଭ୍ୟାସ କରାଯାଇଥିଲେ । ତେବେ ନିଜେ ସୁରକ୍ଷିତ ରହିବ ଓ ବିପଦପୂର୍ଣ୍ଣ ଦୁର୍ଘଟଣା ସମୟରେ ଅନ୍ୟକୁ ସହାୟତା ଯୋଗାଇବେ ତାହା ଉପରେ ଗୁରୁତ୍ୱ ଦିଆଯାଉଛି ବୋଲି ପ୍ରକାଶ କରିଛନ୍ତି ଅନୁଗୁଳ ମଣ୍ଡଳର ଡେପୁଟି ଫାୟାର ଅଫିସର ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
