ଢେଙ୍କାନାଳ: କଙ୍କଡାହାଡ଼ ଅଞ୍ଚଳରେ ବଢ଼ିବାରେ ଲାଗିଛି ନକଲି ମଦ ବେପାର । ବିଶେଷ ସୂତ୍ରରୁ ଖବର ପାଇ ଢେଙ୍କାନାଳ ଅବକାରୀ ବିଭାଗର ସ୍ବତନ୍ତ୍ର ସ୍କ୍ବାର୍ଡ କଙ୍କଡାହାଡ଼ ଥାନା ଅନ୍ତର୍ଗତ ହାଟ ସାହିରେ ଚଢ଼ାଉ କରିଥିଲା ।
କଙ୍କଡାହାଡ଼ରେ ଅବକାରୀ ବିଭାଗର ଚଢ଼ାଉ, ନକଲି ମଦ ଜବତ 2 ଗିରଫ
ଏହି ଚଢ଼ାଉରେ ହାଟ ସାହିରୁ ୧୮୦ଟି ନକଲି ବିଦେଶୀ ମଦ ବୋତଲ ଓ ବିପୁଳ ପରିମାଣରେ ନକଲି ମଦ ଷ୍ଟିକର ଅବକାରୀ ଟିମ ଜବତ କରିଛି । ଏହି ନକଲି ମଦ କାରବାର ଅଭିଯୋଗରେ ହାଟ ସାହିର ଲକ୍ଷ୍ମୀଧର ପାତ୍ର ଓ ପ୍ରକାଶ ପାତ୍ରଙ୍କୁ ଗିରଫ କରିଛି ଟିମ୍ । ଏ ସଂକ୍ରାନ୍ତରେ ଗୋଟିଏ ଅବକାରୀ ମାମଲା ରୁଜୁ କରାଯିବା ସହ ଗିରଫ ଦୁଇଜଣଙ୍କୁ କୋର୍ଟକୁ ଚାଲାଣ କରାଯାଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
