ଢେଙ୍କାନାଳ:ଦନ୍ତା ହାତୀ ଆକ୍ରମଣରେ ଚାଷୀଙ୍କ ମୃତ୍ୟୁ । ଢେଙ୍କାନାଳ ଜିଲ୍ଲା ଷଢଙ୍ଗୀ ବନାଞ୍ଚଳର ମୁଗପଦା ନିକଟରେ ଦନ୍ତା ହାତୀ ଆକ୍ରମଣରେ ଜଣେ ଚାଷୀଙ୍କର ମୃତ୍ୟୁ ଘଟିଛି ।
ଚାଷୀଙ୍କୁ କଚାଡି ମାରିଲା ଦନ୍ତା ହାତୀ
ସୂଚନା ଅନୁଯାୟୀ, ଚାଷୀ ଜଣଙ୍କ ଧାନ ବିଲରୁ ଫେରୁଥିବା ବେଳେ ବାଟରେ କଚାଡି ମାରିଦେଲା ଦନ୍ତାହାତୀ । ମୃତକ ହେଲେ ମୁଗପଦା ଗ୍ରାମର ରବି ନାରାୟଣ ବିଶ୍ବାଳ । ଏହି ଅଞ୍ଚଳରେ ହାତୀ ମାନଙ୍କର ଉପଦ୍ରଵ ଜାରି ରହିଥିବା ବେଳେ ଏହି ଚାଷୀଙ୍କ ମୃତ୍ୟୁକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।
ଏପରିକି ସ୍ଥାନୀୟ ଲୋକେ ମୃତଦେହ ରଖି ଗଁନ୍ଦିଆ ଭୁବନ ମୁଖ୍ୟ ରାସ୍ତାକୁ ଅବରୋଧ କରିଛନ୍ତି । ମୃତକଙ୍କ କ୍ଷତିପୂରଣ ଓ ହାତୀଙ୍କ ଉପଦ୍ରବରୁ ଫସଲ ସୁରକ୍ଷା ନେଇ ଜିଦରେ ରହିଛନ୍ତି ଆନ୍ଦୋଳନକାରୀ ।
ଘଟଣା ସ୍ଥଳକୁ ଷଡଙ୍ଗୀ ବନ କର୍ମଚାରୀ ମାନେ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ କରୁଛନ୍ତି । ଏପଟେ ଗଁନ୍ଦିଆ ପୋଲିସ ଉତ୍ୟକ୍ତ ଲୋକଙ୍କୁ ବୁଝାସୁଝା ଜାରି ରଖିଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
