ଢେଙ୍କାନାଳ: ଲକଡାଉନ କୋହଳ ହେବା ପରେ ଢେଙ୍କାନାଳରେ ବୃଦ୍ଧି ପାଇଛି ହାତୀ ଉପଦ୍ରବ । ଢେଙ୍କାନାଳ ଷଡଙ୍ଗୀ ବନାଞ୍ଚଳରେ ଆତଙ୍କ ଖେଳାଇଛି ଦନ୍ତା ହାତୀ । ଶୁକ୍ରବାର ସକାଳେ ବନସିଂହ ଗ୍ରାମର ଭୁଇଁପୁରରେ ଦେଖିବାକୁ ମିଳିଛି ଏକ ଦନ୍ତା ହାତୀର ଉପଦ୍ରବ। ହାତୀ ଆକ୍ରମଣରେ ଗାଁର ଜଣେ ମହିଳାଙ୍କ ମୃତ୍ୟୁ ହୋଇଛି ।
ହାତୀ ଆକ୍ରମଣରେ ବୃଦ୍ଧା ମୃତ
ବନସିଂହ ଗ୍ରାମ କୌଶଲ୍ୟା ସାହୁ ଏହି ଦନ୍ତା ହାବୁଡରେ ପଡିଯାଇଥିଲେ । କୌଶଲ୍ୟାଙ୍କୁ ହାତୀ କଚାଡି ମାରି ଦେଇଥିବା ଜଣାପଡିଛି । ଆକ୍ରମଣ ପରେ ହାତୀଟି ପାଖ ଜଙ୍ଗଲକୁ ପଳାଇ ଯାଇଛି । ଖବର ପାଇ ବନକର୍ମଚାରୀମାନେ ପହଞ୍ଚି ମୃତ ଦେହ ଜବତ କରି ତଦନ୍ତ କରିଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
