ଢେଙ୍କାନାଳ: ଶଗଡରେ ଢେଙ୍କାନାଳ ସାଂସଦ। ଶନିବାର ଢେଙ୍କାନାଳ ଜିଲ୍ଲା ଭୁବନ ବିଜ୍ଞାପିତ ପରିଷଦରେ ଭୁବନ କୃଷକ ସମାଜ, ବଡହାଟ ନୋଡାଲ ବିଦ୍ୟାଳୟର ବାର୍ଷିକ ଉତ୍ସବ, ନୂଆଭୁବନ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ଅନୁଷ୍ଠିତ ହୋଇଛି । ଯେଉଁଠି ଏକ ନିଆରା ଦୃଶ୍ୟ ଦେଖିବାକୁ ମିଳିଛି । ସାଂସଦ ମହେଶ ସାହୁ ମୁଖ୍ୟ ଅତିଥି ରୂପେ ଏକ ଶଗଡରେ ଯାଉଥିବା ଦେଖିବାକୁ ମିଳିଛି ।
ଶଗଡରେ ଢେଙ୍କାନାଳ ସାଂସଦ
ତେବେ ସାଂସଦ ମହେଶ ସାହୁଙ୍କୁ ଏକ ସୁସଜ୍ଜିତ ଶଗଡ ରଥରେ ବସି ଭୁବନ ବିଜ୍ଞାପିତ ପରିଷଦ ଅଞ୍ଚଳକୁ ପରିକ୍ରମା କରିଥିଲେ। ଏହି ଶଗଡ ଓ ବଳଦ ବିଭିନ୍ନ ରଙ୍ଗ ବେରଙ୍ଗ ଫୁଲରେ ସୁସଜ୍ଜିତ କରାଯାଇଥିବା ଦେଖାଯାଇଥିଲା । ଭୁବନ କୃଷକ ସମାଜ ପକ୍ଷରୁ ଏହି ଶଗଡର ଆୟୋଜନ କରାଯାଇଥିଲା। ତାଙ୍କ ସହ ଭୁବନ ବ୍ଲକ ଅଧ୍ୟକ୍ଷ ଧର୍ମାନନ୍ଦ ବରାଳ ସାମିଲ ଥିଲେ। ତେବେ ନଗର ପରିକ୍ରମା ପରେ ସାଂସଦ ମହେଶ ବିଭିନ୍ନ କାର୍ଯ୍ୟକ୍ରମରେ ଯୋଗଦେଇଥିଲେ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
