ଢେଙ୍କାନାଳ: ରାଜ୍ୟବ୍ୟାପି ଚାଲିଛି ପୌର ନିର୍ବାଚନ ମତଦାନ ପ୍ରକ୍ରିୟା । ଆଜି ମତଦାନ ଦିବସ ଅବସରରେ ଢେଙ୍କାନାଳ ଜିଲ୍ଲାର ଢେଙ୍କାନାଲ ପୌରପରିଷଦ ସମେତ କାମାକ୍ଷାନଗର ଓ ଭୁବନ ବିଜ୍ଞାପିତ ପରିଷଦ ପାଇଁ ଅଧ୍ୟକ୍ଷ ଓ କାଉନସିଲର ପଦବୀ ପାଇଁ ମତଦାନ ଚାଲିଛି । ତେବେ ଢେଙ୍କାନାଳ ବିଧାୟକ ସୁଧୀର ସାମଲ ତାଙ୍କ ପରିବାର ବର୍ଗଙ୍କ ସହିତ ଢେଙ୍କାନାଳ ପୌର ପରିଷଦର ତାଙ୍କ ନିଜ ୱାର୍ଡ ନଂ.୧୨ରେ ମତସାବ୍ୟସ୍ତ କରିଛନ୍ତି ।
ଆଜି ସକାଳ 8ଟା ରୁ ମତଦାନ ପ୍ରକ୍ରିୟା ଆରମ୍ଭ ହୋଇଥିବାବେଳେ ୧୨ନଂ ୱାର୍ଡର ଉର୍ଦ୍ଦୁ ସରକାରୀ ପ୍ରାଥମିକ ବିଦ୍ୟାଳୟର ବୁଥ ନଂ ୨୮ରେ ବିଧାୟକ ସୁଧୀର ସାମଲ ଓ ତାଙ୍କ ପରିବାର ଭୋଟ ଦାନ ଦେଇ ସାମ୍ବିଧାନିକ ଅଧିକାରକୁ ସମ୍ମାନ ଜଣାଇଥିବା ପ୍ରକାଶ କରିଛନ୍ତି । ଏହି ଅବସରରେ ଗଣମାଧ୍ୟମକୁ ପ୍ରକାଶକରି ଚଳିତ ନିର୍ବାଚନରେ ଢେଙ୍କାନାଳ ପୌରପରିଷଦରେ ତାଙ୍କ ବିଜେଡି ଦଳୀୟ ଅଧ୍ୟକ୍ଷା ପ୍ରାର୍ଥୀଙ୍କ ସହ ସମସ୍ତ ୨୩ଗୋଟି ୱାର୍ଡରେ ତାଙ୍କ ଦଳୀୟ କାଉନସିଲରମାନେ ବିଜୟୀ ହେବେ ବୋଲି ଆଶା କରିଛନ୍ତି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
