ଢେଙ୍କାନାଳ: ଢେଙ୍କାନାଳ ସଦର ବ୍ଲକ ସମ୍ମୁଖରେ ବାଜିଲା ମୃଦଙ୍ଗ ଓ ଗିନି । ସଂକୀର୍ତ୍ତନ ମାଧ୍ୟମରେ କଂଗ୍ରେସ କର୍ମୀମାନେ କଲେ ଅଭିନବ ପ୍ରତିବାଦ । ଢେଙ୍କାନାଳ ଜିଲ୍ଲା କଂଗ୍ରେସ ପକ୍ଷରୁ ସଦର ବ୍ଲକ ସମ୍ମୁଖରେ ଏପରି ଅଭିନବ ପ୍ରତିବାଦ କରିଥିବା ଦେଖାଯାଇଛି ।
ଦର ବୃଦ୍ଧି ପ୍ରତିବାଦରେ କଂଗ୍ରେସ କର୍ମୀଙ୍କ ମୃଦଙ୍ଗ ଓ ଗିନୀ ବଜାଇ ପ୍ରତିବାଦ
ପେଟ୍ରୋଲିୟମ ଓ କୃଷିଜାତ ଦ୍ରବ୍ୟର ଅହେତୁକ ଦର ବୃଦ୍ଧିର ପ୍ରତିବାଦ କରି ଢେଙ୍କାନାଳରେ କଂଗ୍ରେସ କର୍ମୀମାନେ ଏପରି ପ୍ରତିବାଦ କରିଥିବା ଦେଖିବାକୁ ମିଳିଛି । ଏପରିକି ପେଟ୍ରୋଲିୟମ, କୃଷିଜାତ ଦ୍ରବ୍ୟ ସାଙ୍ଗକୁ ଅତ୍ୟାବଶ୍ୟକ ସାମଗ୍ରୀ ଗୁଡିକର ମୂଲ୍ୟ ହ୍ରାସ କରିବା ପାଇଁ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ବିଡ଼ିଓଙ୍କୁ ପ୍ରଦାନ କରିଛନ୍ତି କଂଗ୍ରେସ କର୍ମୀ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
