ଢେଙ୍କାନାଳ: ଆସନ୍ତାକାଲି ଶ୍ରାବଣ ମାସର ପ୍ରଥମ ସୋମବାର । ଫଳରେ ପ୍ରତ୍ୟେକ ବର୍ଷ ପରି ମାନସିକଧାରୀ କାଉଡ଼ିଆ ମାନେ ବିଭିନ୍ନ ଶୈବ ପୀଠ ମାନଙ୍କୁ ଜଳ ଲାଗି କରିଥାନ୍ତି । ମାତ୍ର ଚଳିତ ବର୍ଷ ଏହା ପ୍ରଥମ ସୋମବାର କପିଳାଶ ସମେତ ଢେଙ୍କାନାଳ ଜିଲ୍ଲାର ସମସ୍ତ ଶୈବପୀଠକୁ ଜଳ ଲାଗି ପାଇଁ କାଉଡ଼ିଆ ମାନଙ୍କୁ ବାରଣ କରାଯାଇଛି । ରାଜ୍ୟର ଅନ୍ୟତମ ପ୍ରମୁଖ ଶୈବପୀଠ ଢେଙ୍କାନାଳର କପିଳାଶକୁ କାଉଡ଼ିଆମାନଙ୍କ ସଂଖ୍ୟା ଟିକିଏ ଅଧିକା ହୋଇଥାଏ ।
ମାତ୍ର ଚଳିତ ବର୍ଷ ପ୍ରଥମ ସୋମବାର କପିଳାଶ ସମେତ ଜିଲ୍ଲାର ସମସ୍ତ ଶୈବପୀଠକୁ ଜଳ ଲାଗି ପାଇଁ କାଉଡ଼ିଆ ମାନଙ୍କୁ ବାରଣ କରାଯାଇଛି । ରାଜ ପୁରୋଧା ପଞ୍ଚାନନ ମିଶ୍ରଙ୍କ ପରାମର୍ଶ କ୍ରମେ ଜିଲ୍ଲାପାଳ ଜିଲ୍ଲାର ସମସ୍ତ ଶୈବପୀଠ ଏହି ପ୍ରଥମ ସୋମବାର କାଉଡ଼ିଆ ମାନେ ଜଳ ଲାଗି କରିପାରିବେ ନାହିଁ ବୋଲି କଡା ନିର୍ଦ୍ଦେଶ ଜାରି କରିଛନ୍ତି । ରବିବାର କର୍କଟ ସଂକ୍ରାନ୍ତି ପଡୁଥିବାରୁ ଆସନ୍ତା ୨୦ତାରିଖ ପର୍ଯ୍ୟନ୍ତ ୩ଦିନ ନଦୀ ରଜସ୍ପଳା ରହୁଥିବାରୁ ପାଣି ଅଶୁଦ୍ଧି ରହିଥାଏ ।
ଯେହେତୁ ଚଳିତ ବର୍ଷ ଶ୍ରାବଣର ପ୍ରଥମ ସୋମବାର ୧୮ତାରିଖରେ ପଡୁଛି ତେଣୁ ଶୈବ ପୀଠ ଗୁଡିକୁ ପ୍ରଥମ ସୋମବାର କାଉଡ଼ିଆଙ୍କୁ ବାରଣ କରାଯାଇଛି । ଫଳରେ ଏହି ପ୍ରଥମ ସୋମବାର କପିଳାଶ ସମେତ, ଉଗ୍ର ଶ୍ବର, ଦୌଡଶ୍ବର ଆଦି ଜିଲ୍ଲାର ସମସ୍ତ ଶୈବପୀଠ କାଉଡ଼ିଆଙ୍କୁ ନିଷେଧ ରହିଥିବା ଜଣାପଡିଛି ।
ଇଟିଭି ଭାରତ, ଢେଙ୍କାନାଳ
