ଢେଙ୍କାନାଳ: ଜୋର ଧରିଲା ଦେଶର ସର୍ବକନିଷ୍ଠ ଶହୀଦ ବୀର ବାଜିରାଉତଙ୍କୁ ଭାରତରତ୍ନ ଦାବି । ଏହାକୁ ନେଇ ଢେଙ୍କାନାଳ ଜିଲ୍ଲା ଭୁବନ ଯୁବ କଳିଙ୍ଗ ସଂଗଠନ ତରଫରୁ ଏକ ସାଇକେଲ ମାରାଥନ ରାଲି କରାଯାଇଛି । ଯୁବ କଳିଙ୍ଗ ସଦସ୍ୟମାନେ 25 କିଲୋମିଟରର ଏକ ଲମ୍ବା ସାଇକେଲ ରାଲି କରି ନିଜ ଦାବି ଜାହିର କରିଛନ୍ତି । ଫାଇଟ ଫର୍ ରାଇଟ୍(fight for right) ସ୍ଲୋଗାନ୍ ଦେଇ ଯୁବ କଳିଙ୍ଗ ସଂଗଠନ ପକ୍ଷରୁ ଏହି ରାଲି କରାଯାଇଛି ।
ଶହୀଦ ବାଜି ରାଉତଙ୍କୁ ଭାରତ ରତ୍ନ ଦେବାକୁ ଦାବି କରି ଯୁବ କଳିଙ୍ଗ ସଙ୍ଗଠନ ସଦସ୍ୟମାନେ କାଳୀବଜାରସ୍ଥିତ ବାଜିରାଉତଙ୍କ ପ୍ରତିମୂର୍ତ୍ତି ପରିକ୍ରମା କରି ନୀଳକଣ୍ଠପୁରସ୍ଥିତ ଶହୀଦ ସ୍ତମ୍ବ ନିକଟରେ ପହଞ୍ଚି ସାଇକେଲ ରାଲି ଶେଷ କରିଥିଲେ । ଏହି ଅବସରରେ ବାଜିରାଉତଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା । ସାଇକେଲ ରାଲି ପରେ ଏକ ସଭାର ଆୟୋଜନ କରାଯାଇଥିଲା ।
ଏଥିରେ ଶହୀଦ ବୀର ବାଜିରାଉତଙ୍କୁ କିଭଳି ଭାରତରତ୍ନ ସମ୍ମାନ ପ୍ରଦାନ କରାଯିିବ ତାହାକୁ ନେଇ ଆଲୋଚନା କରାଯାଇଥିଲା । ଏହାସହ ଏହି ଅଞ୍ଚଳରେ ଥିବା ସ୍ବାସ୍ଥ୍ୟ ସମସ୍ୟାର ସମାଧାନ କିପରି ହୋଇପାରିବ ତାହାକୁ ନେଇ ମଧ୍ୟ ଆଲୋଚନା ହୋଇଥିଲା । ଏହି ସଭାରେ ମୁଖ୍ୟ ଅତିଥି ଭାବେ ଯୋଗ ଦେଇ ଯୁବ କଳିଙ୍ଗ ସଂଗଠନ ସଦସ୍ୟଙ୍କ ପଦକ୍ଷେପର ପ୍ରଶଂସା କରିଛନ୍ତି । ଏଭଳି ମହତ୍ କାର୍ଯ୍ୟ ଜାରି ରଖିବାକୁ ସେମାନେ ସଦସ୍ୟଙ୍କୁ ଉତ୍ସାହିତ କରିଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
