ଢେଙ୍କାନାଳ: ଢେଙ୍କାନାଳ ଜିଲ୍ଲା ପରଜଙ୍ଗ ଥାନା କନ୍ତୋର ଗାଁ ପାଖ ରେଙ୍ଗାଳି ବାମ କେନାଲରେ ବୁଡି ଜଣେ ମହିଳାଙ୍କ ମୃତ୍ୟୁ ହୋଇଛି । ମୃତ ମହିଳା ଜଣଙ୍କ ହେଇଛନ୍ତି ସେହି ଗ୍ରାମର ପୂଜା ସ୍ୱାଇଁ ।
ସୂଚନା ମୁତାବକ, ମହିଳା ଜଣଙ୍କ ଆଜି(ଗୁରୁବାର) ସନ୍ଧ୍ୟାରେ ଶୌଚ ପାଇଁ ଗାଁ ପାଖ ରେଙ୍ଗାଳୀ କେନାଲକୁ ଯାଇଥିଲେ । ମାତ୍ର ଆଉ ଘରକୁ ଫେରିନଥିଲେ । ତେବେ ଶୌଚ ହେବାବେଳେ ଅସାବଧାନତା କାରଣରୁ ଗୋଡ ଖସିଯିବାରୁ ବୁଡି ଯାଇଥିଲେ ।
ଯାହାପରେ ଗାଁ ଲୋକ ପୋଲିସ ଓ ଦମକଳ ବାହିନୀକୁ ଖବର ଦେଇଥିଲେ ।
କେନାଲରେ ବୁଡ଼ି ମହିଳାଙ୍କ ମୃତ୍ୟୁ
ଖବର ପାଇ ଘଟଣା ସ୍ଥଳରେ ପରଜଙ୍ଗ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ମୃତଦେହ ଉଦ୍ଧାର କରିଛନ୍ତି । ପରେ ମୃତଦେହକୁ ବ୍ୟବଚ୍ଛେଦ ପାଇଁ ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରଙ୍କୁ ପଠାଯାଇଛି ।
ଏନେଇ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
