ଢେଙ୍କାନାଳ: ପରଜଙ୍ଗ ଥାନା ଅନ୍ତର୍ଗତ ବଡଝରା ଗ୍ରାମରେ ଜଣେ ମହିଳାଙ୍କ ମୃତଦେହ ପୋଲିସ ଉଦ୍ଧାର କରିଛି । ମୃତକ ହେଲେ ପରଜଙ୍ଗ ଥାନା ବଡଝରା ହରିଜନ ସାହିର ସୁରେଶ ନାୟକଙ୍କ ପତ୍ନୀ ସସ୍ମିତା । ମୃତ୍ୟୁର ସଠିକ କାରଣ ଜଣାପଡିନାହିଁ । ଖବର ପାଇ ପରଜଙ୍ଗ ପୁଲିଆ ମୃତଦେହ ଜବତ କରିଛି । ପୋଲିସ ଫରେନ୍ସିକ ଟିମ ମାଧ୍ୟମରେ ତଦନ୍ତ ଜାରି ରଖିଛି ।
ପରଜଙ୍ଗ ଥାନା ଅନ୍ତର୍ଗତ ଡିହଡୋଳ ଗ୍ରାମର ନିଶାକର ପ୍ରଧାନଙ୍କ ଝିଅ ସସ୍ମିତା ଗତ ୪ବର୍ଷ ପୂର୍ବେ ବଡଝରା ଗ୍ରାମର ସୁରେଶ ନାୟକଙ୍କୁ ବିବାହ କରିଥିଲେ । ବିବାହ ୪ ବର୍ଷ ହୋଇଯାଇଥିବା ବେଳେ ସସ୍ମିତାଙ୍କର କୌଣସି ସନ୍ତାନ ହେଉନଥିଲା । ଯାହା ଫଳରେ ଝିଅକୁ ବିଭିନ୍ନ ସମୟରେ ଶାଶୁଘର ତରଫରୁ ଶାରୀରିକ ଓ ମାନସିକ ନିର୍ଯାତନା ଦିଆଯାଉଥିଲା ବୋଲି ସସ୍ମିତାର ବାପଘର ଲୋକେ ଅଭିଯୋଗ କରିଛନ୍ତି ।
ଏପରିକି ଶାଶୁ ଘର ଲୋକେ ତାଙ୍କୁ ମାଡ ମାରିବା ସହ ତଣ୍ଟି ଚିପି ହତ୍ୟା କରିଛନ୍ତି ବୋଲି ଦାବି କରିଛନ୍ତି ସସ୍ମିତାର ବାପା ଘରଲୋକେ । ତେବେ ସସ୍ମିତାଙ୍କ ପରିବାର ଲୋକଙ୍କ ଅଭିଯୋଗ କ୍ରମେ ପୋଲିସ ସସ୍ମିତାଙ୍କ ସ୍ୱାମୀ ସୁରେଶକୁ ଥାନାରେ ଅଟକ ରଖି ତଦନ୍ତ ଚଳାଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
