ଢେଙ୍କାନାଳ: ବିଜୁ ଜନତାଦଳର 23ତମ ପ୍ରତିଷ୍ଠା ଦିବସ । ଏହି ଅବସରରେ ଦଳର ବିଗତ ବର୍ଷ ଗୁଡିକର ସଫଳତା ନେଇ ଢେଙ୍କାନାଳରେ ବିଜେଡି ନେତାମାନେ କର୍ମୀଙ୍କୁ ସଫଳତାର ଗୁରୁମନ୍ତ୍ର ବାଣ୍ଟିଛନ୍ତି।
ଏହି ଉପଲକ୍ଷେ ଢେଙ୍କାନାଳ ସଦର ବିଧାନସଭା ନିର୍ବାଚନ ମଣ୍ଡଳୀ ତରଫରୁ ବିଜୁଜନତା ଦଳର ପ୍ରତିଷ୍ଠା ଦିବସ ପଳନ କରାଯାଇଛି। ଢେଙ୍କାନାଳ ସହରସ୍ଥିତ ବିଜୁ ଜନତା ଦଳର ଜିଲ୍ଲା କାର୍ଯ୍ୟାଳୟଠାରୁ ଏକ ବାଇକ ଶୋଭଯାତ୍ରା ବାହାରି ସହର ପରିକ୍ରମା କରିଥିଲା । ପରେ କାଇମାଟିଠାରେ ପହଞ୍ଚିଥିଲେ ହଜାର ହଜାର ସଂଖ୍ୟାରେ କର୍ମକର୍ତ୍ତା । ସେଠାରେ ପହଞ୍ଚି 23ତମ ପ୍ରତିଷ୍ଠା ଦିବସରେ ସାମିଲ ହୋଇଥିଲେ।
ଏହି ପ୍ରତିଷ୍ଠା ଦିବସର ଆୟୋଜିତ ସଭାରେ ମୁଖ୍ୟଅତିଥି ଭାବେ ବିଜୁ ଜନତା ଦଳର ସାଧାରଣ ସଂପାଦକ ଓ ଢେଙ୍କାନାଳ ଜିଲ୍ଲାର ପର୍ଯ୍ୟବେକ୍ଷକ ବିଜୟ ନାୟକ ଉପସ୍ଥିତ ରହି ବିଜେଡି କର୍ମୀଙ୍କୁ ସମ୍ବୋଧନ କରିଥିଲେ। ଅନ୍ୟମାନଙ୍କ ମଧ୍ୟରେ ବିଜେଡିର ଜିଲ୍ଲା କୃଷକ ସଭାପତି ନରୋତ୍ତମ ସାହୁ ଓ ଗଙ୍ଗାଧର ସାମଲ ପ୍ରମୁଖ ଉପସ୍ଥିତ ଥିଲେ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
