ଢେଙ୍କାନାଳ: ପୌରପରିଷଦ ପାଇଁ ବିଜେଡି ପକ୍ଷରୁ ଅଧ୍ୟକ୍ଷା ପ୍ରାର୍ଥିନୀ ଭାବେ ନାମାଙ୍କନପତ୍ର ଦାଖଲ କରିଛନ୍ତି ଅନିମା ନାୟକ । ଆସନ୍ତା ପୌର ନିର୍ବାଚନ ପାଇଁ ନାମାଙ୍କନପତ୍ର ଦାଖଲର ଆଜି ଥିଲା ଅନ୍ତିମ ଦିନ । ବିଜେଡି ପ୍ରାର୍ଥୀ ଅନିମା ନାୟକ ତାଙ୍କ ସମର୍ଥକଙ୍କ ସହ ବିଶାଳ ଶୋଭାଯାତ୍ରାରେ ନିର୍ବାଚନ ଅଧିକାରୀଙ୍କ ନିକଟରେ ପହଞ୍ଚିଥିଲେ ।
ପୌର ଫାଇଟ: ଢେଙ୍କାନାଳରେ ବିଜେଡି ପ୍ରାର୍ଥୀ ଭରିଲେ ନାମାଙ୍କନ
ଅନିମାଙ୍କ ସହ ବିଜେଡିର ଅନ୍ୟ କାଉନସିଲର ପ୍ରାର୍ଥୀ ମଧ୍ୟ ସୋମବାର ନାମାଙ୍କନ ଦାଖଲ କରିଛନ୍ତି । ଏହି ଅବସରରେ ଢେଙ୍କାନାଳ ବିଧାୟକ ସୁଧୀର ସାମଲ ଓ ଢେଙ୍କାନାଳର ବିଜେଡି ପର୍ଯ୍ୟବେକ୍ଷକ ବିଜୟ ନାୟକଙ୍କ ସମେତ କର୍ମୀ ଓ ନେତା ସାମିଲ ଥିଲେ । ନବୀନ ସରକାରଙ୍କର ସ୍ଵଛ ଓ ନିର୍ମଳ ଭାବମୂର୍ତ୍ତି ଓ ବିକାଶର ମୁଦ୍ଦା ନେଇ ବିଜେଡି ପ୍ରାର୍ଥୀ ପୌର ଭୋଟରଙ୍କ ପାଖକୁ ଯିବେ । ଏହି ପୌରାଞ୍ଚଳରେ ବିଜେଡିର ନିଶ୍ଚିତ ବିଜୟୀ ହେବ ବୋଲି ଦୃଢ଼ୋକ୍ତି ଦେଇଛନ୍ତି ସମସ୍ତ ପ୍ରାର୍ଥୀ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
