ଢେଙ୍କାନାଳ: ରାଜ୍ୟରେ ବଢିବଢି ଚାଲିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଏପଟେ ଗୁରୁବାର ପୁଣି ଢେଙ୍କାନାଳ ଜିଲ୍ଲାରୁ ୧୦ କୋରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ଏବେ ୩୧କୁ ବୃଦ୍ଧି ପାଇଛି । ସେମାନଙ୍କ ମଧ୍ୟରୁ କଙ୍କଡ଼ାହାଡ଼ ବ୍ଳକରୁ 7ଜଣ ଓ ହିନ୍ଦୋଳ ବ୍ଳକରୁ 3 ଜଣ ଅଛନ୍ତି ।
କଙ୍କଡ଼ାହାଡ଼ ବ୍ଳକର କନ୍ଧରା ସଙ୍ଗରୋଧ କେନ୍ଦ୍ରରୁ ୫ ଜଣ ଓ ବିରିବୋଲେଇ ଓ ସୁନ୍ଦରମୁଣ୍ଡୀ ସଙ୍ଗରୋଧ କେନ୍ଦ୍ରର ଜଣେ ଲେଖାଏଁ ଚିହ୍ନଟ ହୋଇଛନ୍ତି । ସେହିପରି ହିନ୍ଦୋଳ ବ୍ଳକ ଅନ୍ତର୍ଗତ କଣ୍ଟିମିଲି ସଙ୍ଗରୋଧ କେନ୍ଦ୍ରର 2ଜଣ ଓ ଦୁଦୁରୁକୋଟ ସଙ୍ଗରୋଧ କେନ୍ଦ୍ରର ଜଣେ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୪ ଜଣ ମହାରାଷ୍ଟ୍ର, ୩ ଜଣ ଗୁଜୁରାଟ , 2 ଜଣ ତାମିଲନାଡୁ ଓ ଜଣେ ତେଲେଙ୍ଗାନା ଫେରନ୍ତା ବୋଲି ଜଣାପଡିଛି । ତେବେ ସମସ୍ତଙ୍କୁ ତାଳଚେର ସ୍ଥିତ କୋଭିଡ ହସ୍ପିଟାଲକୁ ପଠାଯାଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
