ଢେଙ୍କାନାଳ: କପିଳାସ ବାରବାଙ୍କରେ ଅଘଟଣ । ଦର୍ଶନ ପାଇଁ ଯାଉଥିବା ବେଳେ ଓଲଟି ପଡିଲା ଯାତ୍ରୀବାହୀ ଅଟୋ । ଜଣଙ୍କର ମୃତ୍ୟୁ ହୋଇଥିବା ବେଳେ ୪ଜଣ ଆହତ ହୋଇଥିବା ସୂଚନା । ମୃତକ ହେଉଛନ୍ତି ଅନୁଗୁଳ ଜିଲ୍ଲାର ତଳମୂଳ ଗ୍ରାମର ସୁଜିତ ସେଠୀ । ସମସ୍ତ ଆହତ ମଧ୍ୟ ଅନୁଗୋଳର ହୋଇଥିବା ଜଣାପଡିଛି । ଅଟୋଟି କପିଳାଶ ବାରବାଙ୍କ ରାସ୍ତାର ୧୧ନଂ ବାଙ୍କରେ ଓଲଟି ପଡିଥିଲା ।
କପିଳାସ ବାରଵାଙ୍କରେ ଓଲଟିଲା ଅଟୋ, ଜଣେ ମୃତ ୪ ଆହତ
ସୂଚନାଅନୁଯାୟୀ ଗତ ରାତି ପ୍ରାୟ ସାଢ଼େ ୧୨ଟା ସମୟରେ ଏହି ଦୁର୍ଘଟଣା ହୋଇଛି । ଏକ ଅଟୋରେ ୧୦ଜଣ ଯୁବକ କପିଳାସ ଦର୍ଶନ କରିବାକୁ ବାର ବାଙ୍କ ରାସ୍ତାରେ ଯାଉଥିଲେ । ୧୧ନଂ ବାଙ୍କରେ ଅଟୋଟି ଉଠି ନପାରି ପଛକୁ ଗଡି ବାଙ୍କ ପାର୍ଶ୍ଵ ପଥର ପାଚେରୀରେ ଧକ୍କା ହୋଇଥିଲା । ଫଳରେ ଅଟୋଟି ଓଲଟି ପଡିବାରୁ ଅଟୋ ତଳେ ଚାପି ହୋଇ ଜଣଙ୍କର ମୃତ୍ୟୁ ଘଟିଥିଲା । ଖବର ପାଇ ଘଟଣାସ୍ଥଳରେ ଗତ ରାତିରେ ଗନ୍ଦିଆ ପୋଲିସ ପହଞ୍ଚି ଆହତଙ୍କୁ ଆମ୍ବୁଲାନ୍ସ ଯୋଗେ ଢେଙ୍କାନାଳ ମୁଖ୍ୟ ଡାକ୍ତର ଖାନାରେ ଭର୍ତି କରିଥିଲା ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
