ଢେଙ୍କାନାଳ:ଶିକାରୀଙ୍କ ଫାଶରେ ଶିକାର ହେଲେ ଯୁବକ । ବାରହା ପାଇଁ ବିଛା ଯାଇଥିବା ବିଦ୍ୟୁତ ଫାଶରେ ପଡି ଯୁବକ ମୃତ । ଏଭଳି ଏକ ଅଘଟଣ ଢେଙ୍କାନାଳ ଜିଲ୍ଲା ଦୁଦୁରୁକୋଟ ଗାଁ ନିକଟସ୍ଥ କଞ୍ଜ।ମୁଣ୍ଡିଆ ନିକଟରେ ଏହି ଅଘଟଣ ଘଟିଛି । ମୃତକ ଜଣକ ଦୁଦୁରକୋଟ ଗାଁ ସୁଶାନ୍ତ ସାମଲ ।
ସୂଚନାଯୋଗ୍ୟ, ସୁଶାନ୍ତ ତାଙ୍କ ବାରି ପଛ ଆଡକୁ ଶୌଚ ହେବାକୁ ଯାଇଥିବାବେଳେ ଅସବଧାନତା କାରଣରୁ ଫାଶିରେ ଛନ୍ଦି ହୋଇପଡିଥିଲେ । ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ଖବର ପାଇ ଘଟଣାସ୍ଥଳରେ ବାଲିମି ପୋଲିସ ଓ ହିନ୍ଦୋଳ ବନକର୍ମଚାରୀମାନେ ପହଞ୍ଚି ମୃତଦେହ କରିଛି । ଏହା ସହ ଫାଶକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି । ଏହି ଘଟଣା ପରେ ଫାଶ ବସାଇଥିବା ଶିକାରୀମାନଙ୍କୁ ତୁରନ୍ତ ଗିରଫ ପାଇଁ ସ୍ଥାନୀୟ ଅଞ୍ଚଳବାସୀ ଦାବି କରୁଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର,ଇଟିଭି ଭାରତ
