ଢେଙ୍କାନାଳ: ସ୍ବାମୀ ସାମ୍ନାରେ ସ୍ତ୍ରୀକୁ କଚାଡି ମାରିଦେଲା ହାତୀ । ଆଉ ଅଳ୍ପକେ ବର୍ତ୍ତିଗଲେ ସ୍ବାମୀ । ଏଭଳି ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା ପରଜଙ୍ଗ ମୁକ୍ତାପଶି ମଝିଖମଣ ଗ୍ରାମରେ । ସ୍ବାମୀ ସ୍ତ୍ରୀ ଛତୁ ତୋଳିବାକୁ ଯାଇଥିବାବେଳେ ଏକ ଦନ୍ତା ହାତୀ ହାବୁଡ଼ରେ ପଡିଯାଇଥିଲେ । ଫଳରେ ଦନ୍ତାହାତୀଟି ମହିଳାଙ୍କୁ ଟେକି କଚାଡି ଦେଇଥିଲା । ଘଟଣାସ୍ଥଳରେ ମହିଳାଙ୍କର ମୃତ୍ୟୁ ଘଟିଥିଲା ।
ହାତୀ ଆକ୍ରମଣରେ ମହିଳା ମୃତ
ମୃତକ ଜଣଙ୍କ ମୁକ୍ତାପଶି ପଞ୍ଚାୟତର ମଝିଖମଣ ଗ୍ରାମର ନେତ୍ରମଣି ସାହୁ ବୋଲି ଜଣାପଡିଛି । ଢେଙ୍କାନାଳ ବନଖଣ୍ଡର କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ ମୁକ୍ତାପଶି ସେକ୍ସନର ବାଲିତୈଲାରେ ଏହି ଘଟଣା ଗଟିଥିଲା । ପରେ ଗ୍ରାମବାସୀ ମାନେ ନେତ୍ରମମଣୀଙ୍କ ମୃତଦେହ ଉଦ୍ଧାର କରି ଗ୍ରାମକୁ ଆଣିଥିଲେ । ଖବର ପାଇ ବନ କର୍ମଚାରୀ ଓ ପୋଲିସ ପହଞ୍ଚି ମୃତଦେହକୁ ବ୍ୟବଛେଦ ପାଇଁ ପଠାଇଥିବା ଜଣାପଡିଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
