ଢେଙ୍କାନାଳ: ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବଢି ଚାଲିଥିବା ବେଳେ ରବିବାର ଗୋଟିଏ ଦିନରେ ସର୍ବାଧିକ ସୁସ୍ଥ ହୋଇଛନ୍ତି। ରବିବାର ଢେଙ୍କାନାଳ ଜିଲ୍ଲାରେ ୫୧ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଜିଲ୍ଲାରେ ମୋଟ ସଂକ୍ରମିତଙ୍କ ସଂଖ୍ୟା ୧୯୯୦ରେ ପହଞ୍ଚିଛି ।
ଏହି ନୂଆ ଆକ୍ରାନ୍ତଙ୍କ ମଧ୍ୟରୁ ସଦର ବ୍ଳକ ୧୪, ହିନ୍ଦୋଳରୁ ୯, ଢେଙ୍କାନାଳ ପୌରାଞ୍ଚଳରୁ ୫, କାମାକ୍ଷାନଗର ଏନଏସିରୁ ୨, ଭୁବନ ବ୍ଳକରୁ ୮ ଓ ଓଡାପଡା ବ୍ଳକରୁ ୫ଜଣ ପଜିଟିଭ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ହୋମକ୍ବାରେଣ୍ଟାଇନରୁ ୩୨ ଜଣ, ସ୍ଥାନୀୟ ଆକ୍ରାନ୍ତ ୧୧ ଓ ଅନ୍ୟ ୮ଜଣ କଟକ ଓ ଭୁବନେଶ୍ବର ମେଡିକାଲରୁ ଚିହ୍ନଟ କରାଯାଇଛି। ସମସ୍ତ ଆକ୍ରାନ୍ତଙ୍କୁ ଢେଙ୍କାନାଳର ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଛି। ସେମାନେ ରହୁଥିବା ଗୃହଗୁଡିକୁ ବିଶୋଧନ କରାଯାଇଛି ।
ସେପଟେ ଚିକିତ୍ସା ପରେ ଜିଲ୍ଲାରେ ରବିବାର ସର୍ବାଧିକ ୧୬୧ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଜିଲ୍ଲାରେ ସମୁଦାୟ ୧୯୯୦ ଆକ୍ରାନ୍ତ ଚିହ୍ନଟ ହୋଇଥିବାବେଳେ ସେଥିରୁ ୧୫୫୮ ଜଣ ସୁସ୍ଥହୋଇ ଫେରିଛନ୍ତି । ବର୍ତ୍ତମାନ ଜିଲ୍ଲରେ ମୋଟ ୪୩୦ ଚିକିତ୍ସିତ ଅବସ୍ଥାରେ ରହିଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
