ଢେଙ୍କାନାଳ: ଢେଙ୍କାନାଳ ଜିଲ୍ଲା ନିହଲ ପ୍ରସାଦ ଥାନା ଅନ୍ତର୍ଗତ ସଢଙ୍ଗିରେଞ୍ଜ ଫୁଲଝର ଗ୍ରାମରେ ବନ ବିଭାଗ ଚଢାଉ କରି 3 ଜଣ ଶିକାରୀଙ୍କୁ ଗିରଫ କରିଛି । ଗିରଫ ଅଭିଯୁକ୍ତମାନେ ହେଲେ ଫୁଲଝର ଗ୍ରାମର ଲକ୍ଷଣ ପିଙ୍ଗୁଆ, ଜଗନ୍ନାଥ ପିଙ୍ଗୁଆ ଓ ଜାମୁନ ସିଂ କୁମକଲ ।
3 ଶିକାରୀଙ୍କୁ ଗିରଫ କଲା ବନ ବିଭାଗ, ହରିଣ ସିଙ୍ଗ ଓ ବନ୍ଧୁକ ଜବତ
ତେବେ ଷଢଙ୍ଗୀରେଞ୍ଜ୍ ଅଞ୍ଚଳରେ ବନ୍ୟଜନ୍ତୁଙ୍କୁ ଶିକାର କରାଯାଇ ଚମଡା ଓ ଶିଙ୍ଘ ବାହାରକୁ ଚାଲାଣ କରାଯାଇଥିବା ନେଇ ଖବର ମିଳିବା ପରେ ଚଢାଉ କରିଥିଲା ବନ ବିଭାଗ । ଏହି ଚଢାଉବେଳେ ଏମାନଙ୍କ ନିକଟରୁ ଦୁଇଟି ହରିଣ ଶିଙ୍ଘ ଓ ଶିକାର ପାଇଁ ବ୍ୟବହୃତ ହୋଇଥିବା ଦୁଇଟି ବନ୍ଧୁକକୁ ଜବତ କରିଛି ବନ ବିଭାଗ । ଏମାନେ କିଛି ଦିନ ହେବ ବନ୍ୟଜନ୍ତୁ ଶିକାର କରି ତାଙ୍କ ଚମଡା ଓ ଶିଙ୍ଘ ବାହାରକୁ ଚାଲାଣ କରୁଥିବା ଖବର ପାଇଥିଲା ବନ ବିଭାଗ । ତେବେ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ଢେଙ୍କାନାଳରୁ ଉର୍ମିଳା ପାତ୍ର, ଇିଟଭି ଭାରତ
